statusi i kosoves a do zgjidhet me Pacollin

si mendoni.?

Marr nga SHPATI
Letër e hapur zotëri Behgjet Pacollit

I nderuar Behgjet

Së pari kërkoj nga ti që këtë letër ta botosh edhe në LAJM-in tënd dhe
së dyti, mos ta marrësh si qëllim për degradimin tënd si afarist. Jam
i detyruar që ta them publikisht të vërtetën nga se ti tani nuk je
vetëm afarist por edhe politikan që pretendon majat e pushtetit. Nesër
mund të jesh pushtetar edhe mbi mua, dhe e drejtë e imja është që unë
ta shpreh dyshimin dhe frikën time ndaj personit tënd.

Pothuajse të gjithë e dimë se kush çka bëri dhe sa bëri për këtë trohë
Kosovë. Vetëm për ty nuk kemi informata. Megjithëse, pavarësisht se
çka kemi bërë, puna ende është e pambaruar... Dhe pikërisht tash, pra në
kohën e ndjeshmërisë më të lartë politike, paraqitesh si shpëtimtar
biblik i kombit!. -"Hosana Baraba", do të thërriste Noli i harruar.
Behgjet, për lidhjet tua me sllavët, nuk kam se çka them të re sepse
të gjithë e dinë miqësinë tënde me vëllain e Millosheviqit. Të gjithë
e dinë se miqësia e jote me sllavët ka qenë halë në sy edhe për
amerikanët dhe sidomos për zviceranët. Janë hapur edhe hetimet zyrtare
në Zvicër kundër teje, por fuqia ruse ka bërë që të mbyllen dosjet për
të gjithë, duke përfshirë edhe Pacollin si pjesë ruse e këtij procesi...
Të jesh i qetë se ky proces nuk do të rihapet derisa Rusinë ta sundojë
Putini ose pasuesit e tij besnikë. Pakti Jelcin-Putin "për heshtje",
në qarqe të brendshme euro-amerikane është i dekoduar deri në fund...
Por, siç thash më herët, sa të jetë Putini në pushtet, ti "flej
dathë".

Ikonat Ruse në zyret e Pacollit

Unë dhe ti u njohëm
personalisht që më 1998. Në atë kohë e pata
përkthyer një artikull nga një revistë gjermane, e cila e lavdëronte
Pacollin si një biznesmen shqiptar të suksesshëm. Si shqiptar u ndjeva
mirë dhe pas dy ditësh e botova artikullin të përkthyer në shqip. Aty
filloi dhe njohja me ty. Më vonë, kur fillove botimin e revistës
EKSKLUZIVE, rreth 6-7 muaj kam qenë menaxher i revistës tënde. Nga
kontaktet e njëpasnjëshme me ty, arrita të të njoh gjithnjë e më mirë.
Shumë takime i bënim në zyrat e tua në godinën 5-6 katëshe në Lugano.
Kur kam hyrë për herë të parë (1999-2000) në ato zyre, e kam pyetur
sekretarin tënd se a janë këto zyrat e Behgjetit apo jemi te ndonjë
miliarder rus? Këtë pyetje e shtrova ngase në muret e atyre zyrave nuk
kishe vend bosh nga ikonat pravosllave! Kurrë në jetën time nuk kam
parë dekorim ikonash më masiv se në zyrat e tua Behgjet,
përveç në kishat serbe ose ruse. Në atë kohë të kam arsyetuar se për çështje
interesi do ta kesh bërë gjithë atë mrekulli ikonash. Kështu të
arsyetonin të gjithë. Kështu do të arsyetoja edhe tani sikur ti ta
vazhdoje vetëm rrugën e biznesit. Por, Behgjet, ti do hise edhe atje
ku nuk të takon...
Siç thash, isha menaxher i revistës tënde. Nuk më pagove asnjë cent,
madje as shpenzimet personale që i bëja për revistën tënde. Ndërsa
gazetarët tjerë në redaksi ose i paguaje me vonesa dhe mangësi. U
tërhoqa. Më vonë (19.08.2002) t'i dërgova dy letra rekomande dhe as
atëherë nuk reagove. Nuk të ndoqa me gjyq sepse ishte punë e kotë Unë
isha njeriu që më së paku më mbete borxh. Të tjerëve në redaksi u
mbete borxhe shumfishin tim. Ende sot ju ke borxh. Në atë kohë ata
ishin azilkërkues dhe punonin pa leje pune dhe ti për mrekulli e
shfrytëzoje këtë gjendje. Të njëjtin fat e përjetuan edhe gazetarët që
ta punuan LAJMIN para dy vitesh në diasporë. Ata nuk janë emra të
panjohur. Nëse ti i kërkon, natyrisht se mund t'i bëj publik.
Pra, "bamirësia" jote që e proklamon në reklamat tua, nuk i përgjigjet
të vërtetës ekzistuese.
Në fushatën e tashme zgjedhore, marketingun tënd politik po e mbështet
në afarizmin tënd të suksesshëm në Rusi dhe Kazakistan! Por në
Amerikë, Evropë dhe Zvicër suksesi yt ka tjetër emër (për këtë, shih
gazetën më prestigjioze në gjithë regjionin gjermanofon "NZZ"). Prapë
nuk dua të ngatërrohem në biznesin që e bën në stepat ruse por ama ai
është i dyshimtë deri në shkallën më ekstreme dhe si i tillë ai nuk
është model i mirë për fukarenjtë e Kosovës. Kjo edhe na frikëson.

Pse hyre në politikë?!

Unë nuk kam besuar se ti vet do të futesh në politikë për 6
arsye:

1. Oratoria e një politikani të mungon (Kur unë isha drejtor i marketingut
të
RTV21, e iniciova dhe e organizova ardhjen e ekipit të këtij
televizioni për ta bërë një reportazh të bukur në Lugano. Sigurisht të
kujtohet, kur ti
nuk arrije t'i formuloje dy fjalë. Sa hoqëm me ty!).
2. Shkollimi yt nuk i përgjigjet drejtimit të ri që e ke zgjedhur tani
në pleqëri.
3. Lidhja jote me familjen e Millosheviqit mu në kohën kur ai
masakronte Kosovën është tregues i zi për një politikan..
4. Dyert Euro-amerikane për ty janë të mbyllura dhe ti e di këtë shumë mirë.
5. Nuk ke përvojë dhe aftësi politike (të kisha lutur që ta bësh

dallimin mes aftësive dhe dredhive). A e pe se si deklarove, vërtetë të
shpëtoi goja më
07.11.2007?
6. Aleatë politikë i ke rusët dhe serbët, të cilët mendon t'i bësh
"aleatë" edhe të Kosovës. Prapë edhe ky tregues është i zi për ty.

Unë nuk di se kush të këshilloi kaq keq, zoti e vraftë!


Ti dhe liderët tjerë politikë

Behgjet, shumica e liderëve të tjerë kanë bazë morale, politike dhe
kombëtare për të garuar në proceset politike sepse në kohën kur
Pacolli pinte Vodkë ruse në Kremlin me vëllain e Millosheviqit, shumë
liderë tanë të tashëm politikë kishin vendosur për të dhënë jetën për
çlirimin e Kosovës. Dhe këta liderë, që sot kanë mbetur rastësisht
gjallë, përbënin murin e rezistencës kundrejt një armiku që nuk njihte
asnjë rregull lufte dhe paqeje. Miqtë tanë amerikanë dhe evropianë
kanë respekt dhe besim në liderët tjerë por jo në ty. Prandaj,
paraqitja jote politike moralisht është e paqëndrueshme dhe
politikisht e dëmshme.
Unë ta them në mënyrën më të sinqertë se premtimet boshe të cilat i
servon ti në këtë fushatë zgjedhjesh, janë mirë të përgatitura dhe u
servohen pikërisht shtresave të varfëra. Por KU është e përgatitur kjo
fushatë dhe nga KUSH është e financuar, këtë do ta thonë shumë shpejtë
shërbimet euroamerikane. Megjithatë, edhe ne shqiptarët po e ndjejmë
këtë erë pansllavizmi sepse kjo fushatë po na ngjason në diçka të
njohur...

Për fund
Nëse do ti Behgjet ta dëshmosh dashurinë ndaj Kosovës, duhet t'i
kthehesh biznesit tënd dhe ta bësh atë ashtu si t'a lejojnë "vrimat" e
ligjit. Aty e ke vendin. Aty edhe unë të përkrah si dikur moti (e di
se nuk ke nevojë!). Përndryshe, po shihet shumë qartë se ku e ka
burimin dhe rrjedhën "lumi" yt politik. Mos manipulo me fukarenjtë e
Kosovës duke u bërë premtime pa asnjë mbulesë. Ti edhe nëse ke qëllim
të mirë, askush me mendje të shëndoshë nuk mundet të të besojë mu për
shkak të 6 të pikave të lartshënuara. Ndoshta pas dy vitesh nuk do të
na fikësonte "lumi" yt politik. Sot po.

Me respsekt

Pal Shtufi
-------------------------------------------------------------------------
Shënim mbi autorin:
Pal Shtufi, ish i dënuar politik në Kosovë gjatë viteve 80-ta. Ka
qenë njëri ndër themeluesit e Partisë Parlamentare në Prishtinë më
1990 dhe anëtar kryesie. Botues i revistës shkencore "Dardania
Sacra". Aktualisht është president i një shoqate të profilizuar
" (Balkan Migrationszentrum) në Cyrih të Zvicrës.

Ti more qe paske bashkpunue me Pacollin je edhe ma i rrezikshem se ky sepse ti per interes mos po te jep lik ja paske lipire prapanuqken,po komente!Por mire eshte pasi ja qite per lidine,por ata qe e perkrahen,pi zorit se barku nuk vete a je spiun a patriot e fundit eshte kjo.

behgjeti nuk erdhi se i plasi zemra per shqipatret dhe kosovaret por erdhi per interesa te veta personale ,beri nji struktur poltike keshtu edhe fitoj 13 vende por te shikojm se si do te punoj mendoj se vet po aj do te jet qe do te ndihet njeri i paregaditur poltikishte dhe do te iku nga paralamenti kosovare shpresojm qe mos te jet nji prapavij e theksuar per kosoven por ska gjasa kurr te bej punen e kgb ne kosove se i shkon koka sinlepurit at aj duhet ta dije mire dhe ky nuk na sjell pamavrsi ,kurr ne jet neve .