Kush do te arrestohen per krime

Kush janë dy zyrtarët e lartë të SHIK-ut, për të cilët tashmë disa ditë është paralajmëruar se mund të arrestohen. I pari që ka shkruar për pritjen e arrestimit të dy ish drejtuesve të SHIK-ut, brenda pak ditësh është gazetari Milaim Zeka.
Më tej asgjë nuk është shkuar nga asnjë medium, por dyshimet biejnë së pari tek ata që janë përfolur më shumë dhe në vazhdimësi për inkriminime të ndryshme, dhe që janë hetuar nga drejtësia.
Por, nga një analizë e bërë nga SHQIPTARI.EU, dhe nga informacionet e shqyrtuara në lidhje me dyshimet për këto figura rezulton se pritjet dhe sugjerimet në media, të portalit Parrotlla, që thirret në burime të EULEX-it, rezulton se dy emrat e parë që dyshohet se mund të arrestohen së shpejti, pasi më vonë edhe të tjerët do të arrestohen, e që përputhen me ‘kredencialet’ e SHIK-ut, janë Ferat Shala, aktualisht është zëvendësministër i Ministrisë së Mjedisit dhe Planifikimit Hapësinorë.
dhe deputeti Fadil Demaku, ish zyrtar i SHIK-ut.
Por, nuk përjashtohen mundësia që në listën për arrestim të jenë edhe Jahir Demaku e deputeti Bekim Hazhiu – komandant Kamishi, por me më pak gjasa në këtë rast.
Që të katërtin ishin pjesë e strukturave të SHIK-ut, por Jahiri si politikan është thuaja i panjohur, kështu që mundësitë për arrestimin e dy zyrtarëve të SHIK-ut, biejnë më shumë mbi dy të parët dhe në Dr.Kamishin.
“Dy zyrtarë të lartë të ish-Shërbimit Informativ të Kosovës(SHIK), të udhëhequr nga kryetari i Parlamentit, Kadri Veseli, pritet të arrestohen në çdo moment. Burime te informacionit brenda EULEX-it, kanë bërë të ditur për parrotlla.net se njëri prej tyre është zëvendësministër, ndërsa tjetri është deputet i Kuvendit të Kosovës. Sipas këtyre burimeve, njëri akuzohet për dy vrasje, ndërsa tjetri për vrasjen e familjes Hajra, që ndryshe njihet si rasti “Kiçina”, ka shkruar dy ditë më parë Milaim Zeka.

Ndërsa, Faton Ramadani, në një letër publike për rastin “Kiçina”, për të cilin mbahen në burg edhe dy vëllezërit e tij, Burimi e Arsimi, shkresë të cilën e kemi botuar mbrëmë përveç që tregon hapur për kërcënimet dhe tmerret e përjetuara thekson, se është penguar hapur nga zyrtarë të lartë të shtetit që të realizohet e pakta, rikthimi i rastit në rigjykim për shkak të provave të siguruara. Por, këtë nuk po e lejojnë tre zyrtarë të shtetit: Hashim Thaçi, Hajredin Kuqi dhe Adem Grabovci, që të tre personalitete të rëndësishme të PDK-së.
Ai paralajmëron arrestimin e atyre që janë përfshirë në një incizim, me të cilin disponon EULEX-i.
“Nëse nuk mund të ndërhyjnë te Euleksi ta ndalin arrestimin nga këto prova që janë në Euleks pritet së shpejti arrestimi i atyre që përmenden në inqizim dhe të lirohen djemtë që e mbajtën mbi një shekull burg pa faj”, shkruan Faton Ramadani. SHQIPTARI.EU