Ngrihet aktakuza për Limajn, në hetim për krime lufte në Kle

Perparimi Mer 27 Juil - 4:07

Ngrihet aktakuza për Limajn, në hetim për krime lufte në Kleçkë

PRISHTINE- Prokuroria Speciale e Kosovës ngre aktakuzën kundër deputetit të Kuvendit të Kosovës, Fatmir Limaj, dhe grupit të tij.

Prokurori italian, Maorizio Salustro ngarkon Limën dhe grupin e përbërë prej 10 personash me akuza për krime lufte të kryera në fshatin Kleçkë të Lypjanit në vitin 1999 në dy të të ashtuquajtura burgje të UÇK-së.

Duke iu referuar të përditshmes kosovare “Koha ditore”, Limaj akuzohet për krime lufte kundër popullatës civile dhe krime lufte kundër të burgosurve të luftës.

Mbi nënkryetarin e Partisë Demokratike të Kosovës rëndojnë pesë akuza, dy për krime lufte kundër popullatës civile dhe e për krime lufte kundër të burgosurve të luftës që përfshin edhe vrasjen.

Prokurori Salustro pretendon se gjetur prova kundër deputetit Limaj, Nexhmi Krasniqit, Naser Krasniqit, Naser Shalës, Sabit Shalës, Refi Mazfrekut, Arben Krasniqit, Shaban Shalës, Behlul Limajt dhe Besim Shurdhajt.

Ndonëse nuk i prin listës së të akuzuarve, Limaj tashmë akuzohet për krime lufte për herë të dytë. Në Hagë ai u gjykua dhe u shpall i pafajshëm për krime në Llapushnik, ndërsa për rastin e Kleçkës ai pritet të gjykohet në Kosovë.

Njëri nga ish-komandantët më në zë të Ushtrisë Çlirimtare të Kosovës, i njohur me nofkën e luftës “Çeliku”, akuzohet se ka urdhëruar dhe ka marrë pjesë në torturimin çnjerëzor të civilëve serbë e shqiptarë të paraburgosur në një kamp në fshatin Kleçkë në Komunën e Lipjanit.

Grupi i Limajt u arrestua në mars të 2011, ndërsa Limaj u mor në pyetje por nuk u arrestua për shkak të imunitetit të deputetit.
(s.g/BalkanWeb)