FisnikI; Qerim Kelmendi,ka qite ne prite Adrian Krasniqin

Perparimi Ven 6 Jan - 0:08

http://lajmpress.com/lajme/kosove/51854-kelmendi-pretendon-se-haliti-dyshohej-per-vrasjen-e-komandant-mergimit.html

Fillimi | LAJME | Kosovë | Kelmendi pretendon se Haliti dyshohej për vrasjen e Komandant Mërgimit
Kelmendi pretendon se Haliti dyshohej për vrasjen e Komandant Mërgimit
Madhësia: Decrease font Enlarge font
image

Ish zyrtari i LPK-së, Ibrahim Kelmendi, në mënyrë indirekte pretendon se Xhavit Haliti është dyshuar nga organet e UÇK-së, se ka pasur gisht në vrasjen e Ilir Konushevcit të njohur si Komandant Mërgimi.

Këto pretendime Kelmendi i bën duke komentuar historikun e kësaj fotografie që ka publikuar në facebook, ku mes tjerash shkruan se UÇK e Zonës Operative të Drenicës (ZOD) nuk ka lejuar pjesëmarrjen e Halitit “në manifestime të UÇK-së në ZOD, përderisa nuk është ndriçuar vrasje e Komandant Ilir Konushevcit – Mërgimit!”

“Në korrik 1999 UÇK-ja e Zonës së Llapit organizoi një manifestim festiv në Podujevë. Sabri Kiçmari dhe Komandant Remi më ftuan të isha mysafir.

Kur arrita në Podujevë u informova për një ndodhi, do ta quaja ekcesive.

Kryeministri i Qeverisë së Përkohshme, Z. Hashim Thaqi, ishte në rrugëtim për në Podujevë me kordonin e tij shoqërues. Bashkudhëtar ishte edhe Z. Xhavit Haliti. Policia ushtarake e ZOD-it ndalon atë kordon dhe komunikon ndalesën për Xhavit Halitin. Kot përpiqet Z. Thaqi të bind policinë ushtarake, e cila komunikon: “Z. Xhavit Haliti e ka të ndaluar të marrë pjesë në manifestime të UÇK-së në ZOD, përderisa nuk është ndriçuar vrasje e Komandant Ilir Konushevcit – Mërgimit!”

Më në fund Z. Haliti detyrohet të kthehet. Kordoni i Kryeministrit Thaqi vazhdon rrugëtimin.

Në stadion ishin mbledhur dhjetëra mijë qytetarë. Atmosferë tepër festive. Flasin me radhë personalitetet Çeku, Kiçmari, Mustafa. Gjithë kohën buçisnin thirrje të fuqishmeÇ UÇK, UÇK, UÇK.

Prezantohet për të marrë fjalën përshëndetëse edhe Kryeministri Thaqi. Sapo zuri të paraqes fjalën e tij Z. Thaqi, të pranishmit zunë të thërrasin:“Rugova, Rugova, Rugova”...

Meqë isha i ulur në rreshtin e parë po shiqoja ata që kisha pranë dhe po flisnim përshpirtshëm me Agim Çekun, çfarë po ndodhte. Që të dy ngelem pa tekst, siç thuhet.

Mëpastaj e analizuam atë dukuri. Dominoi mendimi se llapjanët nuk e duan Hashim Thaqin dhe bashkëveprimtarët e tij komplotist...”, ka shkruar Kelmendi, duke shkrepur shkëndija të reja mosdurimi mes tij dhe Halitit, raporton “lajmpress.com”.

Javën e kaluar mediat kosovare kanë raportuar se një dëshmitar ka thënë se Ibrahim Kelmendi në të kaluarën i ka ofruar 250 mijë euro një personi me emër Florim Ejupi, për të likuiduar Xhavit Halitin. Kelmendi i ka demantuar këto pohime.

Ismaili: Qerim ti strehove vrasësit e deputetit Smajl Hajdari dhe vune në kurthë Adrian Krasniqin
Bota Sot | 22.07.2014 12:31
Share on facebookShare on printShare on emailShare on twitterMore Sharing Services
0
Ismaili: Qerim ti strehove vrasësit e deputetit Smajl Hajdari dhe vune në kurthë Adrian Krasniqin
Qerim Kelmendi kundërgoditet pas akuzave se babai i Fisnik Ismailit kishte miqësi me Milosheviqin

Fisnik Ismajli ia ka kthyer përgjigjen Qerim Kelmendit I cili një ditë më parë kisthe lakuar emrin e babait të tij për vepra të ndryshme. Fisi I Vetëvendosjes ia kthen përgjgijen Qerim Kelmendit emri I të cilit përmendet jo edhe aq për të mirë në zhvillimet gjatë luftës dhe pas saj në Kosovën dhe në veçanti në Dukajgin.

Fisnik Ismaili:

“Qerim Kelmendi, qe ta dhashë hapësinën me m'kthye përgjegjje edhe me debatue me mue duke shpifë për babain tim, po ta përfundoj shkurt:

Për ato që po i thue për babain tim, Gazeta Express pat shkrue në nëntor 2013, edhe ankesa ime për shpifje është pranue nga Këshilli për Media të Shkruara të Kosovës (KMShK), edhe tash jam në proces të padisë, meqë e di se Gazeta Express, ashtu sikur edhe ti "trim", Qerim Kelmendi, nuk keni asnjë dëshmi. E njajta padi po përgatitet edhe për ty vetë.
Poashtu, shpife duke thanë se unë, kur ti paske qenë tuj e tregue "trimninë" tande për Kosovën në UÇK, pasna qenë shumë i ri për me e dijtë se çka domethanë ajo luftë. Me pas dijtë ti diçka të saktë për mue edhe familjen time, atëherë e kishe dijtë se unë kam qenë pjesëtar i UÇK-së në Betejën e Koshares, Brigada 138 "Agim Ramadani", për të cilën e kam lanë familjen në Londër (të birin, Viganin, atëherë 4 vjeç), për me e krye obligimin tim qytetar. Fotot e mia me uniformë, për dallim prej teje, janë të pakta, sepse s'kam luftue për me i shpërnda fotot e mia të luftës edhe me e keqpërdorë luftën në paqe, qysh ia ke ba ti.

Kam foto edhe me Rrustem Berishën, e edhe me Anton Qunin, asokohe udhëheqës të Brigadës, sot të dytë sot Deputetë në Kuvendin e Kosovës (LDK e AAK respektivisht), por s'e kam ndërmend me i publikue. Ata ta dëshmojnë edhe pjesëmarrjen, edhe disciplinën, edhe kontributin tim në luftën çlirimtare.
Meqenëse unë nuk jam shpifës, posaçërisht jo duke i gjykue të tjerët për familjet e tyne, në asnjë menyrë nuk mundem me të gjykue për gjanat që mi thanë njerëzit për ty, e që munden edhe mos me qenë të vërteta, por prapseprapë po ti listoj këtu, që ti me e dijtë se çka po flitet për ty:

1. Si "trim" i UÇK-së, po thojnë se ti ia ke ba kurthën Adrian Krasniqit, i cili ka ra dëshmor, edhe pate ikë një kohë në Shqipëri.

2. Poashtu thojnë se ke vu në kurthë edhe dëshmorë të tjerë, që janë vra për shkak tandin.

3. Ramushi të paska ndjekë nga partia sepse të ka konsiderue idiot mashkull, edhe strehën e ke gjetë në PDK, ku as asamblist në Pejë nuk të kanë përzgjedhë.

3. Vrasësit e Smaj Hajdarajt, deputet i vramë pas lufte në Pejë, po thojnë se i ke strehue disa javë në shtëpinë tande, e për me e mbulue këtë poshtërsi, pate shkue në varrim të tij.

4. Një anëtar i afërt i familjes tande dyshohet të ketë qenë vrasësi i vëllazënve Gërvalla.

5. Të akuzojnë për incest.

Këto 5 gjanat që i thashë ma naltë, Qerim, në asnji mënyrë s'po them se i ke ba ti, edhepse këtë të fundit edhe mundemi me e vërtetue pak me dashtë, por këto janë fjalët që plot njerëz mi thanë për ty, e s'mujta pa i nda me ty, veç me ta kujtue se, janë apo s'janë të vërteta, ti kurrë, amo kurrën e kurrës s'mundesh me u krahasue me mue as për patriotizëm, as për atdhedashtuni, as për drejtësi, as për moral, e ma së paku për burrni.
Çdo tentim vazhdimi debati kam me e shpërfillë, e besoj që të shoh shpejt në gjyq për shpifje”.

Pa pikë rrespekti për ty,
Fisnik Ismaili