Shtegtari i Lirise tradhetari Ibrahim Kelmendi

Perparimi Mar 27 Oct - 17:33

[size=36]Zbulime të reja: Autori i komunikatave; ‘lufta do të vazhdojë më furishëm’ - këshilltar i Ali Ahmetit16.05.2015 | 15:16
Shtegtari i Lirise tradhetari Ibrahim Kelmendi 562X315212304_1

Shtegtari i Lirise tradhetari Ibrahim Kelmendi 562X315212304_1

Shkruan Riza Salihu - Zbulime të reja në rastin e sulmit dhe terrorit shtetëror në Kumanovë. Kush është "KOMANDANT: SHTEGTARI I LIRISË", i cili lëshonte Komunikata dhe përhapte kumte se lufta do të vazhdon edhe më furishëm.
Autori i komunikatave - këshilltari i Ali Ahmetit

Derisa gjatë javës që shkoi orë e çast mirrnim informacione tërqethëse lidhur me sulmin e policisë dhe ushtrisë së Maqedonisë mbi qytetin e Kumanovës, dy-tri herë patëm rastin të shohim edhe "Komunikata" të të ashtuquajturës Ushtri Clirimtare Kombëtare e Re. Nga përmbajtja e këtyre komunikatave krijohej përshtypja se në Kumanovë (apo në Maqedoni) po luftonin dy ushtri, që për nga potenciali ia kishin kundërpeshën njëra tjetrës, ose se në kryengritje ishte ngritur pjesë e madhe e popullsisë, sa mund ta rrezikonte shtetin rrespektivisht ta përmbyste pushtetin. E fundit deri në çastin kur po e postoj këtë shkrim ishte "Komunikata nr. 5", e lëshuar më 12 maj. Nëse shikojmë nënshkrimin gjegjësisht emrin, kush e ka lëshuar atë Komunikatë, lexojmë emrin (pseudonimin): "Komandant: Shtegtari i Lirisë". Këtu na del pyetja: kush qenka ky zog shtegtar, që bredhë e shtegton gjithandej, nxitë luftëra "çlirimtare" gjithandej, eksporton revolucione e kryengritje gjithandej?(!)

I vetëquajturi komandant, që përdor nofkën "Shtegtari i Lirisë", është IBRAHIM KELMENDI. Mbase nuk do të ishte e rëndësishme autorësia e këtyre "komunikatave", po të mos ishte autori një matrapaz i njohur, që tërë jetën është marrë me punë të poshtra e matrapazllëqe, që tërë jetën shtegtonte duke i ra Europës kryq e tërthurë, kurrë në jetën e tij pa punuar kurgjë, por gjithë ato udhëtime dhe gjithëfarëlloj shpenzimesh mund t'i mbulonte sepse financuesin e kishte të përkushtuar në Beograd, e kudo nga shtegtonte Ibrahim Kelmendi, pas tij ndodhte ose vrasje, ose arrestime të shqiptarëve me pasoja të torturave të rënda.

Ibrahim Kelmendi ka vite që zyrtarisht është këshilltari i Ali Ahmetit; ndërsa jozyrtarisht është një person i ndërlidhjes së shërbimeve sekrete dhe bën punën e njëfarë koordinatori të shërbimeve sekrete serbe dhe maqedonase në veprimet e tyre të përbashkëta antishqiptare.

Absurd e shkuar absurdit është qëndrimi tërësisht kontradiktor i Ibrahim Kelmendit dhe i shefit të tij Ali Ahmetit. Në njërën anë përhapen Komunikata dhe dërgohet kumti se lufta po vazhdon dhe do të vazhdon deri në fitore; në anën tjetër shefi i tij, Ali Ahmeti, tregon se ka kontaktuar me grupin, pastaj në kohën e sulmit pjesëtarë të grupit e kanë marrë në telefon, e madje e paskan lutur të bën diçka që t'i shpëton, por thotë se nuk ka mundur t'i shpëton. Rrëfimet se pjesëtarë të grupit e kanë lutur Ali Ahmetin të bën diçka që t'i shpëton (pra pjesëtarët e grupit ishin në zor); e në anën tjetër në të njejtën kohë këshilltari i tij Ibrahim Kelmendi lëshonte komunikata dhe përhapë kumtin se lufta po vazhdon dhe do të vazhdon deri në fitore, janë tërësisht të ndryshme dhe diametralisht të kundërta. Këtu dalin shumë pyetje logjike: a e dinte Ibrahim Kelmendi ku e kishte shefin, me cilët njerëz po kontaktonte shefi i tij, a e dinte për kontaktet me pjesëtarët e rrethuar të grupit? Po Ali Ahmeti a e dinte ku e kishte këshilltarin, a po e këshillonte në atë situatë?

Persona që kanë kontaktuar njërin dhe tjetrin dhe e kanë verifikuar se pseudonimi "Shtegtari i Lirisë" është një pseudonim që po përdoret nga Ibrahim Kelmendi, e kanë marrë vesh gjithashtu, se gjatë kësaj kohe ka pasë kontakte në mes tyre. Nga këto dy qëndrime të kundërta rezulton se janë përdorur lloj-lloj metoda dinake, për t'i joshur njerëzit dhe për t'i grishur në vendin ku do të sulmohen. Prapa këtyre dredhirave dinake fshihet një sherr i madh, që duhet poashtu patur parasyshë në kuadër të hetimeve që duhet të kryhen; ndërsa shqiptarët duhet ta ngritin vigjilencën dhe të mos kujtojnë se sherret kanë kaluar e se nuk na përsëriten.
[/size]