Serbet festojne Vidovdanin me thirrje per shfarosjen e shqip

Perparimi Lun 28 Juin - 12:53

Serbet festojne Vidovdanin me thirrje per shfarosjen e shqiptareve
Shto në Facebook
Dërgoja një miku
Version i printueshëm
Komento këtë lajm:
Komentuar 3 herë.
Emri Mbiemri:
E-maili:

Më kujto | Më Harro
Abonohuni për lajmet në e-mail:
Shkruani emailin tuaj:

Gjatë 24 orëve, ju do të pranoni vetem një e-mail me 10 lajmet e fundit

28.06.2010
Qindra serbë të ardhur nga Serbia, Bosnja dhe vendbanimet në Kosovë janë mbledhur të hënën afër Prishtinës, në Gazimestan, për të shënuar 621-vjetorin e Betejës së Fushë-Kosovës, e njohur për ta si Vidovdani.

Të veshur me fanella me mbishkrime “Kosova është Serbi”, “Kosova është zemra e Serbisë” e simbole nacionaliste, serbët kanë kënduar këngë nacionaliste e kanë hedhur parulla antishqiptare.

Grupe serbësh “janë betuar” në këtë manifestim nacionalist se “do t’i vrasin shqiptarët duke ua prerë kokat, derisa të mos ekzistojnë më”, në prani të krerëve të Kishës Ortodokse dhe atyre shtetërorë. Ata kanë fyer shqiptarët në tubimin e Vidovdanit, pikërisht në vendin ku Slobodan Milosheviqi, 21 vjet më parë, e kishte shfrytëzuar për shpalljen e platformës së tij që rezultoi me luftëra të mëdha mes popujsh të ish-Jugosllavisë.

Në manifestimin në Gazimestan askush nuk ka folur përveç kreut të Kishës Serbe në Kosovë, Amfilohije Radoviq, i cili e ka thënë se në Gazimestan që nga viti 1389 e deri sot vazhdon beteja në mes të mirës dhe së keqes.
Manifestimeve për këtë ditë u ka paraprirë tubimi i rreth një mijë personave në Graçanicë për të shënuar festën e Vidovdanit. Liturgjinë e ka udhëhequr kreu i Kishës Ortodokse Serbe, patriarku Irinej, ndërsa në të kanë marrë pjesë edhe dy ministra të Qeverisë së Serbisë, të cilët, sipas zëdhënësit të Policisë së Kosovës, Baki Kelani, kanë hyrë në Kosovë me leje të autoriteteve kosovare.

Patriarku serb, Irinej, ka deklaruar në Manastirin e Graçanicës se populli shqiptar ka të drejtën e pamohueshme për të ekzistuar në Kosovë, por ka theksuar se këtë të drejtë e kanë edhe serbët, për të cilët tha se Kosova është atdheu i tyre. Në mesazhin e tij politik Irinej ka thënë se shpreson që për Kosovën të gjendet një zgjidhje e cila do t'i kënaqte të dyja palët - serbe dhe shqiptare. (koha)
< -- kthehu | shko lart
K o m e n t e t
3. nga mergata
kja qeveri asht e knaqur qe jan ardh shkijet ne kosov kja qeveri asht serbo sllave se poju japin te drejta me hy shkijet e shkinave ne kosov posht qeveria hajne qeveria e korruptuar qeveri e pasurune
Shtuar në ora 19:49, 28.06.2010

http://albeu.com/lajme/lajmi.php?subaction=showfull&id=1277736738&archive=&start_from=&ucat=2