enver hoxha masakroj shqiptar njejt dhe uçk

Perparimi Jeu 25 Juil - 15:59

[size=32][size=36]Agim Musta: Një pjesë e madhe e viktimave të diktaturës nuk do të gjenden kurrë[/size][/size]

By voal.ch | August 27, 2016

enver hoxha masakroj shqiptar njejt dhe uçk Poligonetevdekjes

facebook

+10
share
[url=https://twitter.com/intent/tweet?text=Agim Musta%3A Nj%C3%AB pjes%C3%AB e madhe e viktimave t%C3%AB diktatur%C3%ABs nuk do t%C3%AB gjenden kurr%c3%ab&url=https%3A%2F%2Fwww.voal.ch%2Fagim-musta-nje-pjese-e-madhe-e-viktimave-nuk-do-te-gjenden-kurre%2F]tweet[/url]
[url=https://www.pinterest.com/pin/create/button/?url=https%3A%2F%2Fwww.voal.ch%2Fagim-musta-nje-pjese-e-madhe-e-viktimave-nuk-do-te-gjenden-kurre%2F&media=&description=Agim Musta%3A Nj%C3%AB pjes%C3%AB e madhe e viktimave t%C3%AB diktatur%C3%ABs nuk do t%C3%AB gjenden kurr%C3%AB]Pin it[/url]
[email=?body=https%3A%2F%2Fwww.voal.ch%2Fagim-musta-nje-pjese-e-madhe-e-viktimave-nuk-do-te-gjenden-kurre%2F&subject=Agim%20Musta%3A%20Nj%C3%AB%20pjes%C3%AB%20e%20madhe%20e%20viktimave%20t%C3%AB%20diktatur%C3%ABs%20nuk%20do%20t%C3%AB%20gjenden%20kurr%C3%AB]mail[/email]
Info

“Një pjesë e madhe e viktimave nuk do të gjenden kurrë”, – shprehet Agim Musta, njeriu që në 12 librat e tij ka dokumentuar tmerret e diktaturës komuniste. Ai shton se ndërsa regjimet e tjera të japin të drejtën të varrosësh kufomën, diktatura komuniste nuk ta jepte këtë të drejtë minimale, pasi eshtrat e këtyre viktimave hidheshin në gremina, lumenj, ose digjeshin me acid.
Musta thekson se Ministria e Brendshme e regjimit të Enver Hoxhës kishte miratuar një sërë poligonesh ku bëhej ekzekutimi i të dënuarve me vdekje. Ai tregon disa prej këtyre, që i ka titulluar “Poligonet e vdekjes” në kapitullin XIV të “Libri i zi i komunizmit shqiptar”.”Por kishte dhe nga ato vende që nuk ishin autorizuar, por ku bëheshin vrasjet, kryesisht buzë lumenjve apo buzë greminave”, – shprehet shkrimtari historian.
Musta më pas tregon dëshminë e Dervish Sulos, ish-prokuror i Durrësit gjatë viteve 1950: “Të dënuarit me vdekje i ekzekutonim në Porto-Romano. Dikur atje ndodhej një fabrikë për përpunimin e lëkurës dhe kishte shumë gropa, ku kishin hedhur mbeturina lëkurësh të dekompozuara nga acidet. Kështu që nuk ishte e nevojshme të hapnim gropa të reja për kufomat e të ekzekutuarve. E afronim “gazin” afër një grope, zbritnim njeriun që do të ekzekutohej, e vendosnim para prozhektorëve të autoburgut të lidhur këmbë e duar dhe e ekzekutonim nga mbrapa me automatik ose revolver.
Kur personi që ekzekutohej ishte i rëndësishëm, merrnim me vete edhe mjekun e Degës për të bërë pohimin me shkrim për personin e asgjësuar. Në shumicën e rasteve mjeku firmoste të nesërmen, pa ardhur në poligonin e vdekjes fizikisht…
Pas kryerjes së vrasjes, thirresha unë si prokuror dhe mjeku i Degës, për hartimin e raportit të ekzekutimit, që gjoja ishte hartuar në poligonin e vdekjes në Porto-Romano. Natën vonë, kufoma hidhej në gropat e Porto-Romanos dhe thithej menjëherë nga mbeturinat e fabrikës. Brenda një kohe të shkurtër ajo dekompozohej krejtësisht”.
Musta tregon se janë përdorur metoda të tilla për zhdukjen jo vetëm të kufomave, por edhe të eshtrave të tyre. “Një pjesë e tyre janë përdorur si kadavra në Fakultetin e Mjekësisë në Universitetin e Tiranës dhe janë shitur edhe jashtë Shqipërisë, klinikave të spitaleve universitare, është kjo dëshmia e Halim Xhelos sa u takon të ekzekutuarve pas vitit 1948”, – shprehet Musta.
Ai përmend tmerrin e kënetës së Maliqit, për tharjen e së cilës kanë punuar të dënuarit politikë. “Ata që vdisnin nga puna e rëndë, nga torturat e sëmundjet, nuk i groposnin, por i hidhnin në llumin e kënetës. Në vjeshtë kur të burgosurit i dërgonin në burgje nga kishin ardhur shirat e furishëm që sillnin ujëra të shumtë, merrnin me vete llumin e kënetës dhe kufomat e dekompozuara dilnin në sipërfaqe. Ato tërhiqeshin nga qentë e katundeve përreth kënetës, duke u bërë tmerr për fshatarët dhe subjekte për legjenda të llahtarshme”, – pohon Musta.
Duke përmendur shifrën 4000 vetë që nuk kanë varre, evidencë e shoqatave të ish-të persekutuarve, shkrimtari historian Musta thekson se janë më shumë se 4000. Sipas tij, viktimat pa varre, pjesës më të madhe të cilëve nuk mund t’u gjenden eshtrat, janë 6000.
https://www.voal.ch/agim-musta-nje-pjese-e-madhe-e-viktimave-nuk-do-te-gjenden-kurre/?fbclid=IwAR0Af7dHY8ffRV-fQDCsThdhqLlAuyC4eAbuqd4nsEJ1GGU0SQ3WdD7na1I