Suharekasit si e festojne ditlindjen e Titos

http://www.therandapost.com/ciftelia-e-suharekes-qe-ju-dhurua-tito-s-josip-broz-tito-gjendet-ne-muzeun-e-historise-se-jugosllavise/



Suhareka dikur i ka dhuruar Josip Broz Titos një çifteli si dhuratë në shenjë respekti në vizitën e tij në këtë qytet jugor të Kosovës, ku njihej për verën dhe prodhimin e gomës.

Në Muzeun e Historisë së Jugosllavisë, në Beograd, ku gjendet e ashtuquajtura “Shtëpia e Luleve” e cila ka qenë një nga shtëpitë përcjellëse të mega-villës së Titos në Beograd, gjendet korridori ku janë të ekspozuara dhuratat që qytetet e ndryshme të ish-Jugosllavisë ja kanë dhuruar Titos gjatë vizitave të tij në vendet përkatëse. Teksa mund të çuditesh nga dhuratat madhështore duke mos përjashtuar as ato me armë prej ari e pushkë të shekullit XVI në një raft në anën e majtë të korridorit diku në mesin e tij gjendeshin disa nga dhuratat që ja kishin dhuruar qytetet e Kosovës.

Aty gjendej e ekspozuar edhe një çifteli që në legjendën e vendosur në fund të raftit shkruante se ishte dhuratë nga qyteti i Suharekës. Çiftelia ishte e fundit në radhë nga ana e majtë në të djathtën dhe para saj ishin dy lahuta dhe ca instrumente frymore.

Çiftelia e dhuruar nga Suhareka.
Çiftelia e dhuruar nga Suhareka.

Ky ekspozim është mjaft fatlum për qytetin e Suharekës ngaqë ai muze vizitohet nga mijëra vizitorë nga të gjitha vendet e botës dhe aty mund të lexojnë emrin e qytetit tonë teksa edhe mund të shijojnë pamjen e një çiftelie të punuar mirë nga druri. Në mesin e dhuratave nga Kosova ishin instrumentet e lart-përmendura, veshje kombëtare nga zona të ndryshme të Kosovës dhe një thikë e dhuruar nga Prizreni e cila mund të shikohet vetëm në fotografi sepse ajo ishte vjedhur vite më parë nga persona të panjohur.

Kërkojmë ndjesë për fotografitë që mund të jenë jo në rregull por janë fotografuar fshehurazi ngaqë nuk lejohej.



________

Uran Haxha


http://www.therandapost.com/wp-content/uploads/2014/07/10409561_10202066143841829_1228131218926098238_n.jpg