Stephan Hawking,thote ska zot,por ligjet erdhen nga ai

https://www.facebook.com/telegraficom/posts/948895838460126

Stephen Hawking thotë se është atesit dhe mendon se shkenca ka ofruar “shpjegim dukshëm më bindës” lidhur me prejardhjen e universit sesa religjioni. Ai thotë se shkenca është më bindëse se religjioni.
"Para se ta kemi kuptuar shkencën, ka qenë e natyrshme të besojmë se Zoti e ka krijuar Universin, por sot shkenca na jep shpjegime dukshëm më bindëse", ka deklaruar fizicienti i njohur Stephen Hawking në një video që e ka transmetuar gazeta spanjolle El Mundo.

“Kur unë kam thënë ‘sikur ta njohim mendjen e Zotit’, kam menduar se në atë rast do të dinim gjithçka di Zoti, në qoftë se ai do të ekzistonte, por ai nuk ekziston. Unë jam ateist”, ka shtuar Hawking.

Komenti i Hawking ka pasuar pas një pyetje të gazetarit në lidhje me religjiozitetin e tij.

“Mendja e Zotit” është një referencë që Hawking e përdor për të sqaruar pasusin nga libri i tij “Histori e shkurtër e kohës”, në të cilën ai ka shkruar se shkencëtarët “do ta njihnin mendjen e Zotit” sikur të zbulohej një set parimesh shkencore që njihet ndryshe edhe si “Teoria e Gjithçkasë”.

Megjithatë, kjo nuk është hera e parë që Hawking flet hapur lidhur me bindjet e tij religjioze.

Në vitin 2011, për The Guardian, ai pat deklaruar se nuk beson në parajsë ose në jetën pas vdekjes, duke i quajtur ato “përralla për ata që i frikësohen errësirës”.