Isa Boletinit i ndertoin bust e eshtart pa ja varrosur

Në fshatin Isniq të Deçanit të premten është zbuluar busti i heroit të kombit Isa Boletini, me ç’ rast nga të pranishmit u tha se ky hero shkundi një perandori dhe vuri në lëvizje gjithë Ballkanin dhe Evropën, duke bërë të dukshëm kërkesat për liri dhe shtetndërtim. Po ashtu u vlerësua se heroi i kombit Isa Boletini ishte gjithmonë aty ku e kërkonte koha, aty ku e kërkonte çështja kombëtare. Ishte gjithmonë pranë ideatorit dhe themeluesit të shtetit shqiptarë Hasan Prishtinës dhe pranë njeriut që shpalli pavarësinë e shtetit të Shqipërisë Ismajl Qemajlit.

Në këtë manifestim pos figurave më të larta shtetërore, i pranishëm ishte edhe kryeministri shqiptar, Sali Berisha i cili e quajti Isa Boletinin gjeneral të pavarësisë së Shqipërisë.

Kryeministri shqiptar, Sali Berisha, zbulimin e shtatores së Isa Boletinit e quajti ditë të madhe për të gjithë shqiptarët, duke thënë se po kthehet në vendin ku ai merrte fuqinë dhe frymëzim në betejat e tij të mëdha për shqiptarët, për Shqipërinë, për shqiptarët, për pavarësinë e tyre.

Ndërsa, Atifete Jahjaga ka thënë se ngritja e shtatores së Isa Boletinit është nderim që të rinjtë po i respektojnë të parët tanë. Po ashtu Jahjaga tha se Boletini shkundi një perandori dhe vuri në lëvizje gjithë Ballkanin dhe Evropën duke bërë të dukshëm kërkesat për liri dhe shtetndërti.