Artileria serbe bombardon edhe në zonën e Padeshit

Perparimi Ven 2 Sep - 6:17

Artileria serbe bombardon edhe në zonën e Padeshit

TROPOJE, 5 maj - Gjatë ditës së martë,
artileria serbe ka bombarduar për një kohë të gjatë edhe në zonën
e Padeshit të rrethit të Tropojës.
Bombardimet kanë qenë të ashpra, pasi ushtria serbe po
përpiqet të marrë postën e saj kufitare të Koshares, e cila që
prej një muaji ndodhet në duart e U€K- së. Predhat kanë rënë deri
në thellësi të fshatit Padesh, por pa shkaktuar viktima.
Burime të komisariatit të policisë të këtij rrethi bëjnë të
ditur se shkaku i këtyre bombardime janë luftimet që po
zhvillohen për disa ditë me radhë mes forcave të ushtrisë serbe
dhe U€K- së në zonën e Koshares, që aktualisht ndodhet në duart e
U€K- së.
Megjithë përpjekjet e ushtrisë serbe, e cila ka përdorur
artilerinë e rëndë gjatë këtyre ditëve, posta e Koshares, vetëm
200 metra për tej kufirit shtetëror, vazhdon të mbahet nga
UÇK-ja.