Kunata e Thaqit me Erhard Buhler

Gjenerali Buhler: S'kam lidhje me kunatën e Thacit



PRISHTINE- Komandanti I KFOR, general Erhard Buhler mohon zërat për një lidhje dashurie me një grua shqiptare.
Disa ditë pasi lajmi doli në mediat kosovare, gjenerali Buhler vendosi të thyejë heshtjen duke deklaruar “Nuk kam lidhje me një vajzë shqiptare”.

Sipas një lajmi të publikuar pak ditë më parë në mediat kosovare, Buhler ishte përfshirë në një histori dashurie me një të re shqiptare me të cilën do të martohej dhe do ta merrte me vete në Gjermani kur ti mbaronte mandate në shtator.

Mediat kosovare përflitnin për një lidhje romantike mes 55 vjecarit gjerman dhe kunatës së kryeministrit kosovar, (motra e bashkëshortes së kryeministrit Hashim Thaci)

“Cdo gjë që është shkruar për mua për ditë me radhë është një fushatë e pisët që ka për qëllim diskretitimin tim si mediator dhe negociator”- shpjegoi Buhler.
Buhler luajti rolin e negociatorit mes serbëve dhe Prishtinës në tensionin e shpërthyer në veri, pasi policia e Kosovës vendosi të merrte nën kontroll pikat kufitare të Bërnjakës e Jarinjës, cka nxiti protestat e serbëve lokalë. Serbët protestuan dhe vendosën barrikada duke bllokuar rrugën. Ndërkohë që një polic kosovar mbeti i vdekur ndërsa pika kufitare e Jarinjës u dogj.
(s.g/BalkanWeb)