Vrasesit e shikut

Rasti Bllaca, arrestohet edhe Shpresim Uka
on Korrik 6, 2011 6:41 pm / 4 comments

Gazeta Zëri raporton se të arrestuarit e sotëm në rastin Bllaca janë: Shpresim Uka, Shaban Syla, Driton Hajdari dhe Sadik Abazi. Shpresim Uka është një prej personazheve që përmendet shpesh në CD-në dhe rrëfimet e mëpasme të Nazim Bllacës. Policia ekzekutive e EULEX-it ka arrestuar sot në mëngjes katër persona në lidhje me dyshimet në të ashtuquajturin rasti “Bllaca” Personat e arrestuar sipas zëdhënësit Nicholas Hawton janë të dyshuar për një rast të vrasjes.

“Individë u arrestuan në Prishtinë dhe në rrethinë. Hetimet kanë të bëjnë me pohime për vrasje të rëndë dhe tentim vrasje të rëndë të kryera në vitin 1999 dhe 2000. Arrestimet u kryen pa ndonjë incident. Pritet që sot më vonë të katër individët të paraqiten para një gjyqtari të procedurës paraprake”, ka thënë Hawton.

Operacioni sipas tij është duke vazhduar dhe se rasti është duke u drejtuar nga një prokuror i Prokurorisë Speciale të Kosovës ndërsa janë autorizuar nga një gjykatës I procedurës paraprake të EULEX-it./zeri/

Ekrem Jashari, Sadik Abazi, Faruk Gashi, Shpresim Uka, Driton Hajdari, ...


zemrashqiptare.net

Lirohen katër të arrestuarit në lidhje me rastin Bllaca
PRISHTINË , Kosovë - Gjykata e Qarkut në Prishtinë ka liruar mbrëmë katër të arrestuarit në lidhje me rastin Bllaca. Shpresim Uka , Shaban Syla, Sadik Abazi, Driton Hajdari janë ...

Shpresim Uka është person i cili ka lidhje miqësore me Azem Sylën. Ai e ka gruan nga fshati Halilaq, komuna e Fushë-Kosovës, ndryshe është mbes e Azem Sylës dhe punon në Radio Kosova e Lirë. Ditën kur është marrë vendimi unë nuk kam qenë aty. Në mbrëmje unë kam kontaktuar tek Viktoria dhe nga xhipi i Azem Sylës unë Nazim Bllaca e kam marrë “shkorpionin” dhe Shpresim Uka, Faredin Gashi, Driton Hajdari, Bekim Syla ka qenë aty dhe Sadik Abazi nga fshati Davidovc.

Adem Salihajn nuk e kam njohur kurrë, nuk i kam pasur borxh as familjarisht asgjë, mirëpo Adem Salihaj si person me ndikim më ka ardhur urdhri nga Azem Syla dhe Ekrem Jashari se duhet të vritet. E kam përcjellë bashkë me Sadik Abazin nga Davidovci, Farfuk Gashin nga Shtimja, Shpresim Uka dhandër i Azem Sylës dhe Driton Hajdari nga komuna e Prishtinës. E kemi përcjellë pothuaj 1 muaj ditë me një “Omegë” e cila na u ka dhënë shpërblim nga një donator nga Gjeneva.

“Në vrasjen e Agim Veliut dhe të Ejup Visokës janë Shpresim Uka dhe Driton Hajdari. Këta dy janë, dy figura të cilët dy ditë pa u gjuajtur Agim Veliu më kanë ftuar mua, që nëse nuk kryhet një punë në regjionin e Besjanës duhet të vish edhe ti për të na ndihmuar. E njëjta fjali më është thënë nga Shpresimi edhe kur janë vrarë gazetari i Skenderajt, Kastrati, e Dajaku që në një farë forme më ka lidhur mua, për numrin e vrasjeve në regjionin e Drenicës... Ne menjëherë pas luftës, kur jam radhitur në SHIK, kemi qenë tre persona që kemi marrë paga: Shpresim Uka, Faruk Gashi dhe unë, Nazim Bllaca. Përndryshe kam qenë shpeshherë duke vozitë autokombajnën në korrik të vitit ‘98, paga më ka ardhur dhe dorëzuar në shtëpi”.

Jam takuar me Azem Sylën e Shpresim Ukën dhe Azem Syla në maj të vitit 2007 ka thënë kështu, po citoj: “Unë jam Azem Syla, dhe unë do ta kryej obligimin ndaj teje”. Mirëpo këta nuk e kanë kryer obligimin dhe kanë filluar parapërgatitjen e atentatit ndaj meje. Në vitin 2007, po foli për muajin maj, kam filluar kontaktet e para me UNMIK-un dhe një hetues të Tribunalit të Hagës, i cili ka qenë i angazhuar në procesin Haradinaj. Kam biseduar me të dhe në atë kohë nuk dihej cili është mandati, cila është fuqia e UNMIK-ut në atë kohë, kështu që jam i interesuar dhe kam shkuar në Stacionin numër 2 të policisë dhe kam paraqitur vrasjen e parë të SHIK-ut, ku në atë kohë në Stacionin 2 ka qenë Emin Beqiri nga Babushi, anëtar i SHIK-ut, i cili sot është dyshi në policinë e Kosovës pas Sheremet Ahmetit, të cilin në atë kohë, në vitin ’99, unë e kam angazhuar në SHIK dhe ka marrë pagë nga unë, Nazim Bllaca. Pra unë e kam angazhuar Emin Beqirin, sepse ai nuk ka qenë as në UÇK as në SHIK.

Në vitin ’99, kur na ka ardhur struktura, skema dhe shtrirja, sektori i vrasjeve për ekzekutim kemi qenë: Unë Nazim Bllaca, Shpresim Uka, Faruk Gashi, Sadik Abazi dhe Driton Hajdari. Në tri fusha kemi punuar. E përmenda, kemi pasur për t’i ndjekur kokat e LDK-së, ku nuk ka pasur në ato komuna dhe nuk ka mundur të lëvizë asnjë hap PDK-ja, kanë qenë Besiana dhe Ferizaj, në rrafshin e Kosovës. Është fjala për Ferizajn ku kokë e LDK-së ka qenë Adem Salihaj e në Besjanë Agim Veliu dhe Ejup Visoka, këta janë tre personat, tri figurat që, gjithmonë sipas Azem Sylës, është dashur të ekzekutohen për arsye se kanë qenë bashkëpunëtorë të sigurimit shtetëror të Serbisë.

15 vjet burg Sabit Gecit
29-07-2011 19:26 CET

Trupi gjykues i Gjykatës së Qarkut të Mitrovicës, në gjykimin e zhvilluar në ndërtesën e Gjykatës Supreme në Prishtinë, ka dënuar të premten me 15 vjet burg Sabit Gecin për krime të luftës ndaj popullatës civile në Kukës dhe Cahan, gjatë viteve 1998-1999.

Trupi gjykues shpalli aktgjykimet edhe për tre të akuzuar të tjerë, ish-pjesëtarë të UÇK-së, për krime të luftës në burgun në Cahan. Riza Aliaj u dënua me 12 vjet burgim, Shaban Hoti nga Rezalla me 7 dhe Haki Rexhepi nga Skenderaj me 6 vjet burgim. /koha/