PLL: Forcat shqiptare të ndërhyjnë në Kosovë ,magari a bene

PLL: Forcat shqiptare të ndërhyjnë në Kosovë

Prishtinë, 23 korrik (QIK)
Partia Lidhja e Legalitetit kërkoi të mërkurën mobilizimin e forcave politike brenda dhe jashtë Shqipërisë për ndërprerjen e sulmeve të ushtrisë dhe policisë serbe mbi shqiptarët e Kosovës dhe për t'u ardhur në ndihmë luftëtarëve në Kosovë.

Kryetari i partisë, Eqerem Spahia, në një konferencë shtypi në Tiranë, tha se qeveria aktuale e Shqipërisë ka mbajtur qëndrime të ndryshme në kohë të ndryshme për çështjen e Kosovës dhe se ajo është e paaftë të udhëheqë qëndrimin politik shqiptar për këtë çështje, prandaj duhet të japë dorëheqje. Z. Spahia theksoi se komuniteti ndërkombëtar duhej t'i imponohej Serbisë për tërheqjen e trupave serbe dhe, në rast se nuk merr përgjigje për këtë, duhet të ndërhyjë ushtarakisht. Legalistët theksojnë se organet ushtarake shqiptare duhet të mobilizohen dhe, po të jetë nevoja, të ndërhyjnë në Kosovë për të luftuar kundër forcave ushtarake dhe policore serbe, njofton Enter.