Haxhi Kuçi pyet,Imami pergjigjet

Perparimi Mer 3 Mar - 8:01

Pyetja juaj:

Kam pyetje per ju; Populli shqiptar eshte nje popull i qoruditur,dhe i veqnat ndaj popujve te tjere? Te gjithe shqiptaret behen se jan atedhetar ,a bashkpunoin me sllavet kundra njeri tjetrit(vrasje mes vedi) Ne kuran kam lexue qe thote;Se tradhetari eshte ne gjendje me ngrer mishin e evladit !ēka mendoni per popullin shqiptar si do ti vjen fundi ?Ju lutem bani krahasim sipas KURANIT ! Te fala juve i nderuari Imam,dhe pershendetje per nje djalosh me emrin Lulzim Bilallin

Përgjigjja:

I nderuari Haxhi Kuçi

Për fat të keq, jo vetëm në mesin e shqiptarëve, po edhe në mbarë botën islame, rastet të tilla që i përmendni ju ka pasur, ka dhe me siguri se do të ketë edhe në të ardhmen. Njerëzit e tillë janë fundërina e shoqërisë, atyre u intereson vetëm çështja e tyre personale, andaj edhe janë të gatshëm ta shesin vëllain e vet musliman. Kjo nuk ka se si të quhet ndryshe vetëm se tradhti. Muhammedi a.s. ka thënë: من غشنا فلس منا - "Kush na tradhton neve, ai s'është prej nesh".

Ajo që na takon të gjithë neve si muslimanë të ndërgjegjshëm është që të mundohemi me mish e me shpirt ta përhapim fjalën e All-llahut xh.xh. dhe të Pejgamberit s.a.v.s. kudo që të gjendemi, e sidomos t'i vëmë në pah vlerat e besimit dhe të ahlakut (moralit) islam, por me ketë rats të theksojmë se ndikimin më të madhe ne mund ta bëjmë përmes veprave dhe sjelljeve tona.

All-llahu xh.sh. ju ndihmoftë juve dhe të neve e të gjithë muslimanëve ngado që të vijmë.

Selam dhe të gjitha të mirat.

P.S.: Selam insha'allah do t'ia percjelli Lulzimit, e kemi xhemat të rregullt.

Rejhan ef. Neziri

--
Bashkësia Islame Shqiptare "Hëna e re"
Romanshornerstrasse 16
8280 Kreuzlingen, CH
www.el-hikmeh.net