Arber Xhaferit po i pergaditet atentati,e pas ketij Ali Ahme

Perparimi Dim 2 Juil - 7:18

Sipas një instituti të Lubjanës, ndaj Arbër Xhaferit po përgatitet atentat?
Lubjanë, 29 qershor - Në një analizë të publikuar sot
nga Instituti Ndërkombëtar për Studime të Lindjes së Mesme dhe të
Ballkanit (IFIMES) me seli në Lubjanë, me titull "A po përgatitet
atentat ndaj Arbër Xhaferit" shqyrtohen zhvillimet aktuale politike në
prag të zgjedhjeve parlamentare në Maqedoni që do të zhvillohen më 5
korrik 2OO6. Sipas këtij instituti, në fshehtësinë më të madhe po
përgatitet likuidimi fizik i Arbër Xhaferit dhe kriminalizimi i
zëvendësit të tij Menduh Thaçi?!

"Instituti Ndërkombëtar IFIMES ka njohuri të besueshme se në fshetësinë
më të madhe po përgatitet atentati ndaj liderit të PDSH-së Arbër
Xhaferi? Në të njëjtën kohë po zhvillohet një fushatë e ashpër e qarqeve
kriminale për kriminalizimin dhe diskreditimin e Menduh Thaçit,
nënkryetar i PDSH-së. Qëllimi i likuidimit të Xhaferit dhe kriminalizimi
i Thaçit është që të krijohet hapësirë për mbizotërim afagjatë politik
në trupin zgjedhor shqiptar si dhe që opozita aktuale para syve të
publikut të paraqitet si kriminale. Nëse ndodh likuidimi fizik i
Xhaferit, përgjegjësinë më të madhe do ta bartë pushteti aktual (LSDM e
BDI), që nuk ka krijuar siguri për liderët politikë dhe për të gjithë
pjesëmarrësit e procesit zgjedhor", pohon në analizën e tij Instituti
Ndërkombëtar në Lubjanë - IFIMES, një kopje të së cilës përmes postës
elektronike ia ka dërguar edhe QIK-ut.

IFIMES në analizën e tij të gjerë shkruan se "lidhshmëria e elitave
politike dhe e shërbimeve sekrete në Maqedoni është një fakt publikisht
i njohur, duke marrë si shembull që kryeshefi i Shërbimit Sekret
Maqedonas Lazar Kitanovski gjatë fushatës parazgjedhore jep dorëheqje në
këtë funksion dhe kandidohet në listën e Lidhjes Soialdemokrate në
pushtet". Më tej theksohet se partitë qeveritare (LSDM dhe BDI) nuk po
zgjedhin mjete për të mbetur në pushtet. Incidentet e shumta nuk janë të
rastësishëm, por janë të planifikuar dhe të koncipuar mirë në strukturat
qeverisëqse, qëllimi i së cilës është që opoziat e tanishme të paraqitet
si faktor i jostablitetit.