Historia e Uçk-es

http://www.forumishqiptar.com/archive/index.php/t-5784.html


Doktrina e UçK-së është antifashizmi



Një vit pas fillimit të luftës popullore në Kosovë, Ushtria çlirimtare e Kosovës, është shndrruar në faktorin kryesor politik dhe ushtarak në vënd. Përkundër ofensivës më të fundit të ushtrisë jugosllave, përkundër deportimit mesjetar dhe masakrave të ushtrisë sërbe, Ushtria çlirimtare e Kosovës, vazhdon të rezistojë dhe të shtojë radhët e saj. Bombardimet e Aleancës së Atlantikut verior kundër regjimit të Beogradit, e kanë rreshtuar luftën e popullit shqiptar në Kosovë përkrah politikës dhe diplomacisë euro-amerikane. Për Kosovën dhe Ushtrinë çlirimtare të Kosovës, flitet kudo dhe nga të gjithë pjestarët e botës politike dhe propagandistike, në Shqipëri, Europë, Amerikë e gjektë. Janë të shumta parashikimet, vlerësimet, konsideratat, krahasimet etj. Por në morinë e tyre veçanërisht kohët e fundit, vihet re një dozë e theksuar subjektivizmi e cila nuk është rastësi. Veçanërisht kohët e fundit, kjo dukuri ka filluar të përhapet në qarqe të ndryshme brënda dhe jashtë vëndit. Shpesh herë në këto analiza dhe gjykime flitet për tendenca terroriste, fondamentaliste, ideologjike etj të Ushtrisë çlirimtare të Kosovës. Shpesh herë kur flitet për Kosovën bëhen krahasime më Bosnjën, Kurdistanin, Afganistanin apo Ceçeninë etj. Realiteti konkret i thelbit të Ushtrisë çlirimtare të Kosovës dhe i vetë Kosovës, është i kundërt me të gjitha konstatimet e mësipërme. Një analizë konkrete e këtij realiteti do ta bëjë më të plotë dhe konkrete tabllonë e realitetit kosovar dhe të UçK-së.

UçK-ja nuk është lëvizje ideologjike

Eshtë një tezë që ka gjetur dhe gjen vënd si në shtypin shqiptar ashtu dhe në shtypin e huaj. Në fillimet e daljes së Ushtrisë çlirimtare të Kosovës, u përhap shumë si tezë, por më vonë u la në harresë si rezultat i përkrahjes ndërkombëtare që ju bë UçK-së dhe luftës së saj. Ka filluar të dalë nga sirtarët e një pjese të propagandës pas fillimit të bombardimeve të Natos dhe krijimit të Qeverisë së Përkohshme të Kosovës të kryesuar nga lideri i UçK-së Thaçi. Përse u rigjallërua në këtë moment, kjo ka nevojë për një analizë më vehte. Megjithatë është një tezë e pabazë dhe me prapavijë dashakeqe. Cilat janë argumentat : Së pari : Në radhët e Ushtrisë çlirimtare të Kosovës, qysh në fillmet e saj dhe për më tepër sot, luftojnë dhe marrin pjesë shqiptarë me bindje të ndryshme politike. Parrulla e UçK-së është pjesmarrja në luftë pa dallim feje dhe bindjeje politike. Në radhët e saj njerzit pranohen jo mbi bazën e bindjeve politike apo preferencave ideologjike, por mbi bazën e përkushtimit ndaj luftës për liri dhe pavarsi. Shëmbulli i familjes Jasharaj është domethënës. Adem Jashari bënte pjesë në Lëvizjen Popullore të Kosovës. Vëllai i tij që u vra, Hamzë Jashari bënte pjesë në radhët e Partisë Parlamentare të Kosovës. Vëllai tjetër Rifat Jashari bënte pjesë në radhët e Lidhjes demokratike të Kosovës. Po kështu në radhët e udhëheqjes së UçK-së qysh në fillimet e saj u rreshtuan disa nga ish-udhëheqësit e Lidhjes Demokratike të Kosovës. Për shëmbull : Ramë Buja nga viti 1991 deri në janar 1999 ka qënë antar i kryesisë së Lidhjes Demokratike të Kosovës dhe deputet i parlamentit të Kosovës. Jakup Krasniqi ka qënë antar i udhëheqjes së Lidhjes Demokratike të Kosovës dhe deputet i parlamentit të Kosovës në periudhën 1991-1998. Berat Luzha një nga drejtuesit kryesore të propagandës së UçK-së ka qënë gazetar i Rilindjes dhe antar i udhëheqjes së Lidhjes Demokratike të Kosovës në periudhën 1992-1998. Mujë Rugova që sot është përfaqësues diplomatik i Qeverisë Thaçi, ka qënë një ndër udhëheqsit e Lidhjes Demokratike të Kosovës dhe këshilltar i Ish-kryeministrit Bukoshi. Mund të vazhdojmë akoma. Por dhe kaq mjafton për të thënë se shqiptarët në UçK, u bashkuan mbi bazën e përkushtimit ndaj Kosovës dhe jo mbi bazën e preferencave ideologjike. Së dyti : Të gjithë ata që luftuan dhe vazhdojnë të luftojnë në radhët e Ushtrisë çlirimtare të Kosovës e dinë se dhe mund të vriten një ditë ashtu siç janë vrarë shumë shokë të tyre. Por rënia për lirinë e vëndit tënd, ka vetëm një ngjyrë, ngjyrën e vëndit për të cilën sakrifikon jetën. Të gjithë ata mijra dhe dhjetra mijra shqiptarë të Kosovës, që lanë komoditetin e Gjermanisë, Zvicrës, Francës, Amerikës dhe sot luftojnë dhe vriten për Kosovën, mos vallë e bënë këtë në emër të komunizmit ? Jo se po të ishte kështu nuk do të radhiteshin në radhët e UçK-së, por në radhët e komunistëve që demonstrojnë në mbarë Evropën kundër UçK-së. Së treti : Mbrojtësit dhe propaganduesit e tezës se UçK-ja është marksist-leniniste, komuniste, enveriste etj, nuk kanë asnjë argument në formulimin e apelacioneve të tyre. Le të pranojmë për një çast si të vërtetë tezën e tyre. Le të pranojmë se UçK-ja është dhe bazohet në ideologjinë komuniste apo derivatet e saj. Atëhere si spiegohen disa fakte : Fakti i parë : Kundër bombardimeve të Natos dhe kundër «komunistëve » të UçK-së kanë mëse dy muaj që demonstrojnë komunistët që nga Kina, Rusia e deri tek Greqia, Franca, Italia e Gjermania. Bile në Itali, komunistët e Armando Kosutës, kërcënuan deri me dorëheqjen nga qeveria e Masimo D’Alemës. Si spiegohet ky paradoks, kjo kontradiktë, që komunistët e mbarë botës janë kundër « komunistëve » të UçK-së ? Fakti i dytë : Përhapsit e tezës mbi karakterin « komunist » të UçK-së, kur flasin për Milosheviçin nuk mungojnë të thonë se ai është « diktatori i fundit komunist » në Europë. Përsëri paradoks dhe përsëri kontradiktë. Si spiegohet atëhere që regjimi komunist i Beogradit i masakron dhe vret « komunistët » e UçK-së? Fakti i tretë : Qysh nga fillimi i saj e deri më sot Ushtria çlirimtare e Kosovës dhe udhëheqja e saj, janë mbështetur dhe vazhdojnë të mbështeten nga Nato dhe Europa perëndimore me në krye Amerikën. Për pasojë « kapitalisti » dhe « borgjezi » Klinton, Bler, Kuk, Solana, Klark, Olbrajt, Hill, Holbruk etj mbështesin dhe përkrahin «komunistët» Thaçi, Krasniqi, Ceku, Haliti, Haradini, Buja, Selimi etj. Si spiegohet ky paradoks nga përhapsit e tezës mbi karakterin « komunist » të UçK-së ? Si spiegohet që « kapitalisti » Xhejms Rubin deklaron se « ai që lufton për shtëpinë e tij, ai nuk është as terrorist, as komunist, por luftëtar i lirisë që meriton respektin tonë » ? Fakti i katërt : Qysh nga fillimi i Kryengritjes në Kosovë dhe deri më sot, « komunistët » e UçK-së, nuk kanë pranuar të kenë aleatë të tyre komunistët e Kubës, Kinës etj, por i kanë kërkuar dhe gjetur aleatët tek «borgjezët» e Perëndimit dhe veçanërisht tek Amerika? Si spiegohet ky paradoks dhe kjo kontradiktë ? Fakti i pestë : Komunistët europianë që u ngritën në mbrojtje të Milosheviçit e justifikuan këtë me rrezikun e « imperializmit amerikan ». Ndërsa « komunistët » e UçK-së, në të kundërtën « imperializmin » amerikan e konsiderojnë aleatin e tyre kryesor. Po ky paradoks si spiegohet ?
Faktet janë domethënëse. Por atëhere përse ka filluar të përhapet kjo tezë aktualisht ? Siç duket për dy arsye : Në mardhëniet brënda shqiptare, «gjahtarët» e politikës shqiptare të cilët lufta për liri i nxorri në periferi të politikës, duan tashmë të dalin në rolin e lidërshipit. Përpjekja është shumë e djallëzuar. Sepse nuk atakohet direkt UçK-ja si nocion dhe realitet, por akuzohet për « komunistë » dhe « marksiste », udhëheqja e saj. Ndërsa në mardhëniet ndërkombëtare, qarqet europiane prosërbe, të gjallëruara shumë kohët e fundit, duan t’i heqin UçK-së mbështetjen e gjërë ndërkombëtare.



Doktrina e UçK-së është antifashizmi [Arkiva] - Forumi ShqiptarBerat Luzha një nga drejtuesit kryesore të propagandës së UçK-së ka qënë gazetar i Rilindjes dhe antar i udhëheqjes së Lidhjes Demokratike të Kosovës në ...
www.forumishqiptar.com/archive/index.php/t-5784.html - 16k - En cache - Pages similaires