Gjashte pikat qe i editikohen qeverise se Kosoves

Perparimi Ven 14 Nov - 13:31

Sejdiu e Thaçi dënojnë shperthimin në Prishtinë
Shtuar: 14.11.2008 20:48
------------------------------------------------------------------------------
lajm

Autoritetet me te larta te Kosoves kane denuar shperthimin e ndodhur pasditen e sotme ne oborrin e zyrave te selise se misionit civil evropian.

Ne nje deklarate per shtyp presidenti Fatmir Sejdiu ka deklaruar se kjo eshte nje veper e kryer nga armiqte e Kosoves.

“Denojme ne menyren me te ashper shperthimin. Pas ketij akti te shemtuar jane armiqte e Kosoves, por kjo perpjekje e shemtuar nuk do zbehe respektin qe Kosova ka ndaj bashkesise nderkombetare. Me kete rast ftoj gjithe qytetaret e Kosoves qe te mbajne qetesine dhe te vazhdojne te jene faktor i stabilitetit te vendit”, ka pohuar Sejdiu. TCH?

Ndersa kryeministri Hashim Thaci ka theksuar se qeveria e Kosoves do te marre te gjitha masat per zbardhjen e ketij “akti te shemtuar”.

“Qeveria e Kosoves i bashkangjitet denimit te ashper ndaj shperthimit dhe themi pa hezitim se kryesit e ketij akti te shemtuar jane armiqte e Kosoves. I kam kerkuar ministrit te Brendshem marrjen e masave per zbardhjen e ketij rasti. Asnje veprim i tille i ulet nuk do ta luhate politiken pro-perendimore te Kosoves”, ka theksuar Thaci./TCH/

Perparimi Ven 14 Nov - 13:31

http://www.lajmpress.com/?faqe=shfaqlajm&id=3248

Perparimi Ven 14 Nov - 13:33

Sejdiu e Thaçi mbrojnë qëndrimin e tyre
Shtuar: 14.11.2008 14:14
--------------------------------------------------------------------------------
lajm

Presidenti Fatmir Sejdiu dhe kryeministri Hashim Thaçi, kanë zhvilluar të enjten edhe një takim me ambasadorët e vendeve të Quintit, të cilët po bëjnë përpjekje për arritjen e një marrëveshjeje lidhur me planin e sekretarit të përgjithshëm të OKB së për shtrirjen e EULEX-it.
Edhe në këtë takim, i cili ka zgjatur deri në orët e mbrëmjes, liderët e institucioneve më të larta shtetërore kanë përsëritur qëndrimin e tyre kundër planit.

Mësohet se ata kanë kërkuar edhe tërheqjen e planit, duke ritheksuar se elementet substanciale të tij nënkuptojnë përmbushjen e kushteve të Beogradit lidhur me shtrirjen dhe me mandatin e misionit të Bashkimit Evropian në Kosovë.

Sipas burimeve të afërta me kabinetin qeveritar, Presidenti Sejdiu e Kryeministri Thaçi kanë ritheksuar se aplikimi i planit të sekretarit të përgjithshëm të Kombeve të Bashkuara do të përbënte shkelje të Planit të Ahtisaarit dhe të Kushtetutës së Republikës së Kosovës.
Njëkohësisht, ata kanë kërkuar vendosjen sa më të shpejtë të këtij misioni në Kosovë shtirjen e tij në mbarë territorin e vendit. Sipas të njëjtave burime, ambasadorët e vendeve anëtare të Quintit janë përpjekur të bindin liderët kosovarë se plani 6 pikësh i Ban Ki-moonit nuk e rrezikon tërësinë territoriale të Kosovës.
Ata nuk e kanë përjashtuar mundësinë e modifikimeve të vogla të planit, por kanë shfaqur drojën se mungesa e një marrëveshjeje lidhur me këtë plan mund ta kthejë çështjen në fillim dhe ta bëjë të pamundur vendosjen e EULEX-it në Kosovë.
Në takim me presidentin dhe kryeministrin e Kosovës kanë marrë pjesë ambasadorët e Shteteve të Bashkuara të Amerikës, Britanisë së Madhe, Gjermanisë, Francës dhe Italisë. /qik/

http://www.lajmpress.com/?faqe=shfaqlajm&id=3247

Perparimi Ven 14 Nov - 13:35

http://www.lajmpress.com/?faqe=komentform&metoda=shtokoment

Perparimi Ven 14 Nov - 13:44

Sejdiu e Thaçi mbrojnë qëndrimin e tyre
Shtuar: 14.11.2008 14:14
--------------------------------------------------------------------------------
lajm

Presidenti Fatmir Sejdiu dhe kryeministri Hashim Thaçi, kanë zhvilluar të enjten edhe një takim me ambasadorët e vendeve të Quintit, të cilët po bëjnë përpjekje për arritjen e një marrëveshjeje lidhur me planin e sekretarit të përgjithshëm të OKB së për shtrirjen e EULEX-it.
Edhe në këtë takim, i cili ka zgjatur deri në orët e mbrëmjes, liderët e institucioneve më të larta shtetërore kanë përsëritur qëndrimin e tyre kundër planit.
Mësohet se ata kanë kërkuar edhe tërheqjen e planit, duke ritheksuar se elementet substanciale të tij nënkuptojnë përmbushjen e kushteve të Beogradit lidhur me shtrirjen dhe me mandatin e misionit të Bashkimit Evropian në Kosovë.
Sipas burimeve të afërta me kabinetin qeveritar, Presidenti Sejdiu e Kryeministri Thaçi kanë ritheksuar se aplikimi i planit të sekretarit të përgjithshëm të Kombeve të Bashkuara do të përbënte shkelje të Planit të Ahtisaarit dhe të Kushtetutës së Republikës së Kosovës.
Njëkohësisht, ata kanë kërkuar vendosjen sa më të shpejtë të këtij misioni në Kosovë shtirjen e tij në mbarë territorin e vendit. Sipas të njëjtave burime, ambasadorët e vendeve anëtare të Quintit janë përpjekur të bindin liderët kosovarë se plani 6 pikësh i Ban Ki-moonit nuk e rrezikon tërësinë territoriale të Kosovës.
Ata nuk e kanë përjashtuar mundësinë e modifikimeve të vogla të planit, por kanë shfaqur drojën se mungesa e një marrëveshjeje lidhur me këtë plan mund ta kthejë çështjen në fillim dhe ta bëjë të pamundur vendosjen e EULEX-it në Kosovë.
Në takim me presidentin dhe kryeministrin e Kosovës kanë marrë pjesë ambasadorët e Shteteve të Bashkuara të Amerikës, Britanisë së Madhe, Gjermanisë, Francës dhe Italisë. /qik/

Ne keto gjashte pika plani i Ahtisarit nuk po shkilet sepse ne ate pako nuk ka figurue kerkund pavaresia e kosoves pos amerika ju ka mashtrue hajt ju banjauni qefin shqiptareve e ma vone e hekim ne me dallaveret tona a po kujtoni dredhit e juaja o thaq e o sejdi truma kerkush nuk ua zbulon ?Ketu eshte ka zbatohet vetem rezuluta 1244,dhe mos e genjeni popullin qe lehni si lagojt neper malet e sharit apo ne bjeshket e nemuna,eh medet per popullin shqiptar qe po vuan ne varferi e ky Ramushi prape si ti besojna qe ka luftue kundra serbit kur çdo familjes se serbit i ka shkepur ka 2000 euro e Thaqi traktora çfare dalaveresh jan ka bejne keta trima qe e pavaresuan pa luftue veten po kurse popullin e djehit qe ishte ne roberi edhe ma keq me keta !!!!
http://www.lajmpress.com/?faqe=shfaqlajm&id=3247

Perparimi Ven 14 Nov - 13:55

KTV - KOHAVISION :: - Surroi: Dokumenti gjashtë pikësh nuk e ...
Sipas tij, gjashtë pikat në mënyrë të dyfishtë ndërhyjnë në pavarësinë e Kosovës . Surroi ka kritikuar institucionet kosovare për pasivitet në sferën e ...
www.kohavision.net/index.php?option=com_content&task=view&id=13723&Itemid=40 - Il y a 3

Perparimi Ven 14 Nov - 14:36

Se pari zotri Surroi ju pershendesi por kete storje jeni dashur qe shume ma pare ta thuani publikisht e edhe para parlamentit ku keni qen.
Por sidoqofte;Sekretari i OKBes jo qe se ka pranue me kohe pavaresin e Kosoves sepse eshte ne zbatim rezuluta qe e keni nenshkrue ne Rambuje te Parisit nje roberi mos e harroni ?!Por çka dua te shtoi se me kerkesen e serbise qe eulexi te ushtroi detyren e vete ne kosove me par eulexi e ka pranue kerkesen e serbise qe pavaresin e kosoves mos ta pranoi dhe keshtu eulexi eshte pajtue,por perpos kesai marrine ne pakon e Ahtisarit kerkund nuk ka figurue pavaresia e kosoves,pos amerikanet e nxiten Taqin qe ta shpalli pavaresin si nje trim qe ta marr pushtetin me frigue popullin e vete mos hezito te lutna ?Keta pika kane qen edhe ne pakon e Ahtisarit qe nje dite te kethehet nje pjese e ushtris dhe policis se serbise.Tjeter;Sa hektar toke serbija ja fali maqedonise dhe kjo qeveri fjeti dhe hajte nuk behet kjameti,dhe ketu ua kan matur impulset e qeveris qe eshte ne pushtet a jane te pajtimit me ua hek copa copa mishin dhe e pranuan e si mendoni zotri bota eshte budallaqe e shqiptaret nuk e kan dert edhe kur jav copton mishin dhe pse te ju perkrahin kur nuk keni ndjenja as per popull as per troll qe e humbeni ,sepse foteljen e kan shqiptaret ne zemer po luftue fare mu kendue.Kete ma kan then disa nga OKB eja keshtu;Pse nder shqiptar kur nje vritet duke luftue e qitni neper diftelia ?Ta dini se njerezin e ngacmoni shume me keso kopalla e genjeshtra,sepse me thonin sa veta ne shtetin tim vriten me nis mi qite neper kenge ska kush qe mundet te gjitha mi ndegjue,dhe me thane se ju njerezit e vertete nuk i lejoni te jetoin ne atedheun e tyre i perzini i vritni.Si?Po me thane Ismail Qemailin e vrat ju,ju e vrat Bajram Currin,Luigj Gurakuqin,ja gjuajtet eshtrat Gjergj Fishtes,....Por edhe nje juve shqiptareve nuk mundemi me ju kuptue,here tradhetar e here patriota a ka kesi njerez (popull)diku ?Me thane se jemi ka ju kuptojna mire dhe keni me pare nje dite se çka do u gjene!!!Dhe ja ditet e tijna te OKBes po vijne dhe çka do behet zot ruaji shqiptaret qe vuajten me shekuj ata qe edhe sot po vuajn e ata qe ishin me Rankun titon Fadilat e Rugovat e taqat,fotelistat e pavarsuar po vuajn gjere kur OKb ja e dine kete ma mire se ti , e une !!!!Tjete
Serbis ne keto gjashte pika i ipet e drejta qe ta mbikqyr doganen ne veri dhe tere kete begati oh oh parajse per serbet.Dhe pritet qe dhe te behet edhe decentralizimi apo edhe ma keq Ekstrateritorializimi i komunave serbe neper kosove,çka une nenkuptoi me keto si ambasada te serbise me mbrojtje te qelikta sikurse mu kan shtete serbe keto komuna dhe kush te kalon neper keto komuna sikurse me kalue neper dogana po me pasapolrta per bese dhe pendrak bythve e shpines shqiptareve edhe ma keq se ne kohen e MilloshitSe fundi e hane kjo qeveri vetem keta mos ti prekin vutheve e mi shtie neper biruca se nuk e kan dert,por si nuk del ndonji i meqem e me jav qite flaken ketyre tradhetareve,por i mashtroin do te rinje qe te perzijn e me tute arushen me shoshe.Por sidoqoft kjo qeveri eshte ne bashkpunim vete te ngushte me shkaun e serbise dhe siq u rekomandoin serbet keta aminin ja bejn sepse burgosen apo edhe shkarkohen nga kjo jete,dhe bytha e shkreta e shqipfolesave servilash e dine mire ti ku e kam fjalen ?
Vete dajen tend Zenel Kabashin si ja morem ne pune ne PZ ne Loto njefare Agim Krasniqin,qingji ne therand i skuqur .E pastai te tregon per mua kush jam !!!!

Perparimi Ven 14 Nov - 14:38

[color=white]Surroi: Dokumenti gjashtë pikësh nuk e trajton Kosovën si të pavarur

Vlerësimi nga përdoruesit: / 3
I dobëtMë i miri
e premte . 14 nëntor 2008 - 17:41
Dokumenti gjashtë pikësh i Sekretarit të Përgjithshëm të OKB-së nuk e trajton Kosovën si të pavarur dhe me këtë Beogradi ndërhyn në funksionalitetin e brendshëm të Kosovës, ka deklaruar kryetari i Bordit të Klubit për Politikë të Jashtme, Veton Surroi, në një konferencë mbajtur sot nga ky klub. Sipas tij, me këtë dokument çështja e statusit të Kosovës nuk quhet e përmbyllur, ndonëse këto pika ishin refuzuar nga pala kosovare në bisedimet e Vjenës. Surroi ka kritikuar institucionet kosovare që nuk kanë vepruar ndaj gjashtë pikave në kohën e duhur. Me dokumentin gjashtë pikësh të Sekretarit të Përgjithshëm të OKB-së, Ban Ki-Moon, fillon një proces tjetër negociator dhe çështja e statusit të Kosovës nuk quhet e përmbyllur. Për më shumë, ky dokument si i tillë nuk e trajton Kosovën si të pavarur dhe si pasojë Beogradi ndërhyn në funksionalitetin e brendshëm të vendit tonë. Kështu ka deklaruar kryetari i Bordit të Klubit për Politikë të Jashtme, Veton Surroi, në konferencën e këtij klubi mbi raportin e progresit të Komisionit Evropian për Kosovën. Madje, sipas Surroit, raporti i Komisionit Evropian dhe dokumenti i gjashtë pikave janë të ndërlidhur reciprokisht. Anëtari i Ekipit të Unitetit ka theksuar se pikat që gjenden në dokumentin e Ban Ki-Moon-it janë refuzuar nga pala kosovare qysh në negociatat e Vjenës për zgjidhjen e statusit të Kosovës. Sipas tij, gjashtë pikat në mënyrë të dyfishtë ndërhyjnë në pavarësinë e Kosovës. Surroi ka kritikuar institucionet kosovare për pasivitet në sferën e politikës së jashtme sa i përket gjashtë pikave, duke potencuar se nuk është shënuar kurrfarë përparimi në trajtimin e statusit të Kosovës nga vetë Sekretari i Përgjithshëm i OKB-së. Po ashtu, ai ka thënë se sikur institucionet t’i ishin qasur një politikë më aktive, dokumenti gjashtë pikësh tashmë nuk do të ishte një realitet. Surroi u ka bërë thirrje institucioneve që të refuzojnë dokumentin e Ban Ki-Moon-it dhe ka apeluar për një proces tjetër negociator të Kosovës me BE-në, në rrafshin e politikës së jashtme dhe integruese. Ndërsa, për misionin e EULEX-it ka deklaruar se duhet të vendoset sipas përcaktimeve të Kushtetutës së Kosovës. Veton Surroi ka kritikuar edhe për mungesën e sundimit të ligjit, dobësinë e sistemit gjyqësor, të cilat, sipas tij, rrezikojnë zhvillimin e demokracisë. Ndërkaq, shefi i Zyrës Ndërlidhëse të Komisionit Evropian në Kosovë, Renzo Daviddi, ka thënë se ende nevojitet punë për dialog në mes të komuniteteve, respektimin e pakicave, luftimin e korrupsionit e të krimit të organizuar dhe qeverisje më të qëndrueshme ekonomike. Kurse, zëvendëskryeministri Hajredin Kuçi ka bërë me dije se Qeveria e ka kuptuar si real raportin e Komisionit Evropian. Derisa, kryetari i AAK-së, Ramush Haradinaj, ka kritikuar institucionet e vendit për mungesë të kapaciteteve të mjaftueshme për t’u përballur me situatat pas pavarësisë. Ndërsa, ambasadori i Sllovenisë në Kosovë, Vojko Volk, ka theksuar se shteti i Kosovës gjendet në izolim, meqë nuk bën pjesë në grupin e organizatave ndërkombëtare. Dokumenti për Kosovën që përmban gjashtë pikat është arritur në mes të OKB-së dhe Qeverisë së Serbisë, pa e pyetur fare Prishtinën zyrtare, nëpërmjet diplomacisë fluturuese të ndërmjetësit të Ban Ki-Moonit, Andrew Ladley.

Fjalimi i Plotë i Veton Surroit

Prishtinë, 14 Nentor 2007
6 PIKESHI DHE RAPORTI I PROGRESIT – A JEMI NE BLLOKADE
Te nderuar zonja dhe zotërinj ,
Te nderuar bashkepaneliste,
Është kwnaqësi që të përpiqem të sintetizojë mendimet që kanë të bëjnë me dy elemente që simbolizojnë realitetin e sotëm në Kosovë. Është fjala për Raportin e Komisionit Evropian dhe dokumentin 6 pikësh të Ban Ki Munit. Që të dyja këto dokumente janë një ndeshje e realitetit të Kosovës. Kosova po ndeshet me realitetin e vetë pas një periudhe përpjekjesh që at realitet ta portretizojë në një mënyrë pak më ndryshe, pak më optimiste, pak më rozë.
Cka prodhon kjo ndeshje me realitetin. Në raportin e komisionit evropian përshkruhet një Kosovë e cila është një shtet i ndarë, është një shtet i dobët , si për nga aftësitë e veta funksionale administrative ashtu edhe nga deficiti demokratik - Kosova ka një mungesë të theksuar në funksionimin e vetë demokratik. Por raporti i komisionit Evropian ka megjithatë një lëvizje në krahasim me gjendjen e para shpalljes së pavarësisë, sepse hap një procesi, i cili sado që të jetë i gjatë, fillon me studimin e fizibilitetit dhe krijon parakushtet që Kosova të fillojë të mendojë brenda kornizës të atij studimi fizibiliteti me të gjitha vështirësitë dhe teknikalitetet që ekzistojnë në këtë proces. Ndërsa 6 pikët e sekretarit të përgjithshëm të kombeve të bashkuara janë në fakt përpjekje e drejtpërdrejtë, në një masë e suksesshme, që statusi i Kosovës të mos quhet i përmbyllur. Përpjekja e 6 pikëve mund të mos jetë e ndërtuar nga partnerët ndërkombëtarë si e tillë por efekti i saj është i tillë , që e quan Kosovën të papërmbyllur për sa i përket statusit dhe fillon një proces tjetër negociator.
Ku ndërlidhen keto dy dokumente në këtë moment të sotëm, në këtë moment aq dramatik - dhe është dramatik sa të bllokohen rrugët për shkak të vizitës së një ministër i jashtëm i cili vjen për të bindë qeveritarët tanë që ta pranojnë këtë propozim. Mendoj se do ndërlidhur propozimin 6 pikësh me Raportin e Komisionit Evropian , në atë që është konstatim i raportit. E raporti i komisionit në mënyrë bazike konstaton se Kosova nuk ka mundur të funksionalizojë sundimin e ligjit apo të krijoj kapacitet më të fort administrativ sepse ka funksionuar e ndarë me institucionet e veta paralele. Është ky një problem i qartë strukturorë i cili ka penguar funksionimin e shtetit. Egzistimi i strukturave paralele është në fakt ekzistimi i cështjes së statusit apo më mirë të themi të cështjes së statusit të hapur. Të njëjtën gjë tashmë e bënë dokumenti 6 pikësh i Ban Ki Munit. Dy janë modalitetet me të cilat ky dokument dhe këto pika prekin në statusin e Kosovës.
Fillimisht me formë.Fillon një proces negociator pas përmbylljes së procesit negociator të presidentit Ahtisaari duke nxjerrë disa nga çështjet që tashmë janë quajtur të përmbyllura dhe të cilat tash hapen me ndërmjetësimin e të dërguarit të sekretarit të përgjithshëm , i cili me një Shatell diplomaci kalon në Prishtinë , Beograd dhe Bruksel, dhe merret vesh për një paketë. Dhe po të marrim vetëm njërën pikë të këtij dokumenti, psh çështjen e trashëgimisë kulturore - cështje të cilën e kemi përmbyllur deri në imtësinë më të vogël në procesin që prodhojë pakon e Ahtisaarit- duke i hequr të gjitha pikat tjera , kjo do të quhej rihapje e procesit negociator për statusin e Kosovës, gjë të cilën e kemi konsideruar të mbyllur. Dhe jo vetëm ne por edhe bashkësia ndërkombëtare me të cilën kemi pasur të dakorduar shpalljen pavarësinë, proklamimin e kushtetutës , hyrjen në fuqi të asaj kushtetute dhe vlerësimin e asaj kushtetute nga ana e shteteve që na kanë njohur.
Modaliteti i dytë i hapjes së cështjes së statusit me këto gjashtë pika është për nga përmbajtja. Përmbajtja e gjashtë pikëve të cilat janë prezantuar në letrën e Ban Ki Munit , më herët në propozimet e zotit Samargjiq, është përmbajtje e cila ka kaluar dy vjet në procesin negociatorë të udhëhequr nga presidenti Ahtisaari, dhe është refuzuar nga ne në mënyrë konsistente në të gjitha pikat, sepse është përpjekur të krijojë rrafshin e tretë të pushtetit. Kosova e ka refuzuar këtë propozim sepse ka dashur që shteti i ardhshëm të funksionoi ashtu sic funksionojnë të shtet tjera , me dy pushtete, një loka një qendorë dhe jo një të ndërmjetëm. 6 pikat e propozuara krijojnë një pushtet të ndërmjetëm në Kosovë në mes të pushtetit qendrorë dhe atij lokal. Cka do të thotë kjo për raportin e vitit 2009, kur Renzoja duhet të raportoj prap? Efekti i drejtpërdrejtë i kësaj përpjekje është dobësimi i ICO-së, dobësimi i rolit të ICO brenda konceptit të Ahtisaarit, dobësimi i legjitimitetit të EULEX-it, sepse Eulex-i përpiqet të hyjë jo kah dera legjitime , pra kushtetuta e Kosovës, por nëpërmjet kapigjikëve të ndërtuar aty këtu. Dhe krejt kjo do të reflektohet negativisht në qeverisjen e Kosovës. Si do të reflektohet kjo tek qeverisja e Kosovës dhe raporti i ardhëshëm, i cili mund të jetë edhe më negativ, ose mund të mos sënoj progres krahasim me këtë vit?. Së pari atë që kemi parë me UNMIK-un mund të përsëritet edhe tash. Dualiteti i pushteteve , krijimi i pushteteve paralele ka rezik të eliminojë një raport normal të llogaridhënjes. Në momentin kur ekzistojnë pushtete të këtilla kompetitive në mes vete, pushteti vendor e ka shumë lehtë për të krijuar alibi që të fajësojë bashkësinë ndërkombëtare për dështimet veta dhe anasjelltas prania ndërkombëtare ka një alibi të ngjashme për të fajësuar pushtetin vendor për dështimet e veta. Këtë e kemi parë me UNMIK-un dhe ka mundësi repetitive që të vazhdojë edhe me Bashkësinë Evropianë. Elementi i dytë që rjedhë nga kjo mungesë e llogaridhënies është vazhdimi apo thellimi i deficitit demokratik në shoqërinë kosovare. Kosova nuk mund të jetë më demokratike se c’është sot nëse vazhdohet me këtë vazhdë. Po u japë tre shembuj të thjesht. Rasti i kryetarit të komunës, i cili për shkak të kërcënimit të ligjit dhe zbatuesve të ligjit detyrohet të shkojë të mbajë burg. Nga aspekti sistemit te vlerave në bazë të cilave interpretohet politika sot, akti i dorëzimit quhet “kontribut” i tij personal dhe i partisë së tij për sundimin e ligjit. E kemi kryetarin tjetër të komunës ne arrati, për të cilin është zhvilluar negociatë për atë se a të dorëzohet dhe kurë, dhe kemi një strukturë të një shërbimi sekret partiak i cili poashtu i kontribuon ligjit duke dalë publikisht dhe duke u shpërbë. Kjo do të thotë se sundimi i ligjit ka shkarje serioze dhe kjo shkarje serioze e përshkruan atmosferën e këtij vendi, e në atmosferë të këtij vendi , në fund me këso interpretime , të cilat qartazi nuk janë pjesë e një sistemi demokratik, del se të gjithë ata që gjenden në burg sot janë njerëz që i kontribojnë sundimit të ligjit. Është absurd i llojit të vet.

Perparimi Ven 14 Nov - 14:38

Krejt kjo ndodhë sepse – dhe kjo mund te jetë formulë e re, sepse bashkësia ndërkombëtare apo elementet të rëndësishme të bashkësisë ndërkombëtare e këmbejnë stabilitetin bazik në Kosovë për veprime që nuk mund të quhen demokratike dhe nuk quhen ligjore. Dhe ky është rreziku i ardhshëm.
Në Kosovë ekziston rrezik serioz që gjatë këtyre ditëve të vendosen pengesa strukturore për zhvillim e demokracisë dhe shtetësisë. Sot pët sot , kemi një mungesë të qartë të asaj qw quhet “Check and Balances” , ashtu sic është portretuar edhe në raportin e komisionit evropian, kemi një mungesë të qartë ose një dobësi të qartë të gyqësorit dhe mund të kemi një dobësi Të elementit korrektues ndërkombëtare. Nëse ICO dhe EULEX nuk e kanë legjitimitetin e tyre që del nga një tërësi e komplikuar në pakon e Ahtisarit, legjitimitetit i tyre do të dobësohet, pra edhe kapaciteti i tyre korrektivë do të dobësohet. Imagjinoni se EULEX-i dhe ICO-ja hyn në Kosovë me këtë 6 pikësh, i cili në mas të madhe refuzohet nga shqiptarët e Kosovës, si do të mundet atëherë që ICO dhe EULEX të ndërmarrtë hapa korrektiv politik apo ligjor. Kjo nuk do të mund të ndodhë nëse nuk ekziston një legjitimitet bazik ne këtë shoqëri .
6 Pikëshi është futur në debat në mënyrë të gabueshme. 6 pikëshi është futur në debat në mënyrë në të cilën Prishtina, e cila në fund të fundit do të jetojë me këto 6 pika sepse nuk do ti jetojnë të tjerët, nuk ka pasur një qëndrim proaktiv dhe ka treguar edhe një herë mungesën e një aktiviteti politik jo vetëm preventiv por edhe krijues në politikën e jashtme të Kosovës. 6 pikëshi është prodhuar si lexim retrograd i rezolutës 1244. Ne e dimë se shpallja e pavarësisë për shkak të mungesës së konsensusit politik është dashur të bëhet me rezolutën 1244 dhe ky është një lexim që e kemi bërë ne dhe një pjesë bukur e madhe e bashkësisë ndërkombëtare. 6 pikat janë lexim krejtësisht i kundërt. Janë lexim të “status quo ante” nga ana e një pjese të bashkësisë ndërkombëtare gjegjësisht nga Ban Ki Muni. Sepse ajo cka ekziston në 6 pika është nocioni se jo vetëm Kosova nuk është e pavarur, por ekziston edhe një sovranitet i Serbisë apo e drejtë e sovranitetit serb mbi Kosovën. 6 pikat e njohin të drejtën e Beogradit që të vendosë për funksionimin e brendshëm të Kosovës. Dhe kjo është jasht interpretimit të cilin e ka pasë 1244 që prej Qershorit të vitit 1999, sepse rezoluta 1244 e suspendon sovranitetin e Beogradit ndaj Kosovës. Dhe inicion një proces për vendosjen e statusit të Kosovës. 6 Pikat në thelb janë kundër rezolutës 1244 e jo interpretim i rezolutës 1244. Leximi evolutiv i asaj rezolute është leximi që bëjmë ne , dhe duhet ta bëjmë edhe para Këshillit të Sigurimit edhe kudo tjetër. E kjo nënkupton se 1244 ka suspenduar sovranitetin e Beogradit mbi Kosovën, është zhvilluar një proces për vendimmarrje lidhur me statusin e Kosovës, atë proces e kemi konsumuar me presidentin e Ahtisaarit, ka ardhë deri te shpallja e pavarësisë së Kosovës brenda kësaj rezolute - duke e respektuar këtë rezolutë dhe duke i respektuar Kombet e Bashkuara. Në asnjë instancë Beogradi nuk ka kompetencë, të drejtë apo sovranitet të ndërhyjë në funksionimn e brendshëm të Kosovës. Problemi i cili del tash është problemi kohor. Po të ishin shpjeguar këto çështje që nga Marsi i këtij viti apo që nga shpallja e pavarësisë, po të ishte krijuar një politikë më proaktive nga ana e Kosovës do të ishim në një gjendje tjetër. Tash jemi në një gjendje, ku për të mundur ta kalojmë këtë situatë, të konstatojmë se 6 pikshi është një realitet. Dhe këtë realitet duhet trajtu. Cfare do të ishte forma e trajtimit.
Njeren prej formave të trajtimit po përpiqen ta bëjnë liderët tanë institucional , me duket, sepse nuk kam informata të mjaftueshme , besoj të gjithë kemi informata të njëtë. Por nga deklaratat e kryetarit dhe kryeministrit doli mospajtimi me “elementet thelbësore” të këtij plani. Kjo do të nënkuptojë se ekziston një përpjekje për korrigjimin e 6 pikëshit nga ana e liderëve tanë institucional. Nëse ky është rasti - prap po spekuloj sepse po flas duke derivuar nga informatat që kemi në publik - atëherë do të bëhet përpjekja për të ndryshuar përmbajtjen e këtyre 6 pikave por jo edhe formën. Ajo që do të mbetej atëherë në çfarëdo variante është forma me të cilën pezullohet 1244 duke ja dhënë Beogradit të drejtën të jetë bashkëkrijues dhe bashkëvendimarrës për çështjen e funksionimit të brendshëm në Kosovë. Unë mendojë se përgjigja e Kosovës duhet të jetë që të njeh 6 pikëshin si realitet bazik në marrëdhëniet në mes OKB-së dhe Beogradit. Prishtina nuk ka legjitimitet t’ia mohoj askujt këtë të drejtë. Dmth cka merret vesh Beogradi me të dërguarin është një cështje e prezantimit të një opsioni politik, dhe prezantimin e një vizioni se si duhet të zgjidhen problemet të cilat janë evidente. Por Prishtina duhet të refuzojë planin si të tillë. DMTH duhet ta pranojë realitetin ,se ekziston plani 6 pikësh , ekziston marrëveshja me Beogradin , njohim aspiratat , pra po shohim se kah po shkojnë gjërat, por Prishtina duhet të fillojë një proces të veçantë negociator me Bashkimin Evropian. Një proces të veçantë, të cilin e kemi cekë edhe në konferencën tonë të kaluar ku precizohet qartë se cfarë është misioni i EULEX. EULEXi është i përcaktuar tashmë me kushtetutën tonë. Nuk mund të pengojë askush Kuvendin e Kosovës dhe organet që dalin nga ky Kuvend që të fillojnë një proces të përcaktimit se cfarë të jetë misioni i Eulexit në Kosovë dhe në këtë pako të partneritetit në mes Kosovës dhe Bashkimit Evropian duhet të ceken mënyrat se si do të zbatohet ky partneritet si:

1.në kufirin e Kosovës në pikat 1 dhe 31, për sa i përket regjimit kufitar,
2.në aspektin e doganave,
3.në pushtetin vendor në veri , sepse do të ketë nevojë për një fazë transitore deri në vendosjen e e realitetit të ri ,
4.për sistemin juridik, gjegjësisht formën e tranzicionit në një sistem juridik
5.dhe për afatin e revidimit. Eulex-i nuk është këtu për të mbetur përjetësisht pjesë e institucioneve të Kosovës, është këtu për një afat kalimtar dhe ky afat duhet të përcaktohet.

Paralel me këtë proces negociator institucionet e Kosovës në marrëveshje me bashkësinë ndërkombëtare duhet të përcaktojnë që të bëjnë një manifestim të madh , një ditë të madhe feste në të cilën do ti falënderohen Kombeve të Bashkuara për kontributin gjatë 10 viteve të kaluara në Kosovë. Për misionin e UNMIK-ut. Duke mbyllur kështu bashkërisht Misionin e Kombeve të Bashkuara në Kosovë. UNMIK-ut i ka ardhë fundi, kaherë. Çështja është që këtë ta bëjmë në një formë dinjitoze, e cila poashtu reflekton jo vetëm nevojat e qytetarëve të Kosovës për një funksionalitet më të mirë por reflekton poashtu falënderimin e Kosovës ndaj Organizatës së Kombeve të Bashkuara për ndihmën dhënë Kosovës gjatë këtyre viteve.
Procesi negociator duhet të jetë shumë më i sofistikuar se c’ka qenë deri më tash dhe duhet të nënkuptojë të dy levat e Bashkimit Evropian, edhe atë të politikës së jashtme edhe atë të politikës integrative. Mënyra se si do të rregullohet funksionaliteti i Kosovës nuk është vetëm stabilitet evropian , por ka të bëjë edhe me raportin e ardhshëm të komisionit evropian , e në këtë raport ne duhet të jemi shumë më përpara se c’kemi qenë.
A do ti përfundojë kjo problemet me Beogradin? Jo. Ne duhet të kemi një proces të veçantë negociator me Beogradin, jo për statusin por për mënyrën se si do të ngrisim një nivel shumë më të lartë të marrëdhënieve nga ato që i kemi sot. Për këtë na nevojitet një tryezë e veçantë evropiane dhe momenti vendimtar për Beogradin dhe për ne është viti ardhshëm, kur çështja e statusit të kandidatit të Beogradit do të përcillet dhe duhet të përcillet medoemos me një qasje të re të Beogradit për marrëdhënie fqinjësore në mes nesh. Kam dronë se rruga e deritanishme ka krijuar dëme të mëdha por droja ime më e madhe është se nëse nuk ndërpritet kjo rrugë e dëmtimit të statusit të Kosovës , do hyjmë me një fazë shumë më të ndërlikuar, e cila do të merr shumë më tepër energji dhe shumë më tëpër kohë. Ka mundësi sot që të ndryshoj ky kurs , po kjo varet shumë jo vetëm prej debateve të shoqërisë civile , varet në radhë të parë prej aktorëve kyc në skenën politike kosovare. Nga Kuvendi i Kosovës, i cili duhet ti marr përgjegjësitë në duart e veta, nga institucionet të cilat i përgjigjen këtij Kuvendi dhe nga të gjithë ne të cilët mund të ndihmojmë duke [/color]

Perparimi Ven 14 Nov - 14:38

http://www.kohavision.net/index.php?option=com_content&task=view&id=13723&Itemid=40&mosmsg=Komenti+u+ruajt.+Komenti+juaj+do+t%EB+b%EBhet+publik+pasi+ta+miratoj+Administratori.

Contenu sponsorisé

Gjashte pikat qe i editikohen qeverise se Kosoves

Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves

Re: Gjashte pikat qe i editikohen qeverise se Kosoves