Zbulohet flamuri i ismail qemailit

Zbulohet flamuri i Ismail Qemalit
Për 99 vjet flamuri ka qëndruar në fondin e muzeut
11 janar 2012 19:10

Flamuri që është mbuluar arkivoli i Ismail Qemalit, i cili është 99 vjeçar është zbuluar nga studiuesit në Fondin e Etnografisë që ndodhet në Qendrën e Sstudimeve Albanologjike. Përgjegjësja e Fondit të Etnografisë, Arjola Prifti na bën me dije se ky objekt i rëndësishëm është zbuluar me datë 2 dhjetor 2011, por pas verifikimeve të duhura me dokumentat nga ana e studiuesve u bë publik. Ky objekt do të ekspozohet me 26 janar që përkon dhe me vdekjen e Ismail Qemalit.
Ndërkohë që restauratori i njohur, Ferderik Stamati na rrëfen detaje rreth flamurit, i cili fatmirësisht është i ruajtur mirë, pasi nuk është ekspozuar gjatë dhe ka vetëm dëmtime të lehta në njërën anë dhe në mes 
Flamuri është material prej leshi dhe ka të stampuar shqiponjën në mes të tij. Përpara varrimit flamurin e morën djemtë e Ismail Qemalit, të cilin e përdorën përsëri në rivarrimin e tij në “Sheshin e Flamurit” me 28 nëntor 1932. Mbas kësaj Et’hem Bej Vlora e dhuroi flamurin për Muzeun Kombëtar. Dhe ms pas ky flamur prej disa vitesh është pjesë e Fondit të Etnografiss në QSA. Por krahas këtij flamuri të rëndësishëm përgjegjësja e Fondit të Etnografisë na bën me dije se janë edhe tre flamuj që i përkasin momenteve kyçe të historisë shqiptare që do të prezantohen për publikun pas studimeve.