Kush donte ta vrasi Rugoven

“Unë jam ai i cili e kam gjuajtur bombën më 12 mars të vitit 2004, në oborrin e shtëpisë së Ibrahim Rugovës, me urdhër të Xhavit Halitit, Agron Haradinajt e Artan Nimanit”, ka deklaruar Hoti.
“Unë e kam kryer atentatin e parë në vitin 2004 ndaj Rugovës. E kam gjuajtur bombën në shtëpinë e tij, me urdhrin e atyre që i përmenda”, thotë Hoti.

“E kam ndrequr dinamitin dhe e kam instaluar në një kontejner. Jam ulur në një qebaptore kinse për të ngrënë dhe me teledirigjues është aktivizuar, kur makina e tij ka kaluar andej”.
“I kam të gjitha mjetet elektronike, kapsulat me të cilat është dirigjuar bomba, e të gjitha i kam”, thotë Agim Hoti.
Artan Nimani
“Në parking poshtë hotel Grandit, jam takuar me Artan Nimanin, i cili m’i ka dhënë të hollat për ta blerë topin e dorës. Prej asaj kohe e kam ruajtur Presidentin te varri i dëshmorit Afrim Vitia, rrugës për në ‘Velani’”, thotë ai.

“Një ditë para se Rugova të takohej me Solanën, unë kam shkuar në këtë pjesë të qytetit dhe kam bërë përgatitjet”, pohon Hoti.
“Për krejt këto i kam marrë 5 mijë euro. Jam paguar vetëm për sulmin e parë dhe për sulmin e dytë nuk jam paguar kurrë, pasi më kanë thënë se nuk e kam kryer punën deri në fund”, thotë Hoti, duke shtuar se të gjitha këto që thotë, u qëndron prapa dhe ka vendosur t’i bëjë publike vetëm për një arsye.
“Të gjitha kanë përfituar në kurriz timin. Kanë marrë miliona me thasë që Agron Haradinaj i ka sjellë nga Suedia, derisa unë po kalbem në burg”, thotë ai.

Më pas në videon e sjellë nga AP, shihet Rugova në takim me Havier Solanën, atëherë Sekretar I Përgjithshëm I NATO-s.