Kush e vrau Xhemail Mustafen

Perparimi Dim 23 Nov - 16:50

http://www.revistadrini.com/2014/11/a-e-vrane-xhemail-mustafen-pasi-ate-dhe-shtabin-propagandistik-policor-te-ldk-se-e-kishin-mashtruar-qe-te-me-provokonin-mua/

po aq i mashtruar dhe injoruar ndihem edhe unë me familjen time, se nuk është lehtë kur të përbuzet e injorohet përpjekja, nuk të njihet merita e kontributi ndaj vendit nga ana e cubave të maleve dhe të restoranteve, të fshehur pas intelektualizmit të rrejshëm me një frymëzim dhe natyrë poshtërake udbashe, përmes fanatikëve të tyre partiakë, gazetarë etj. Sado që isha i vetëdijshëm se gazeta ‘Rilindja’ përpos gazetarëve shumë të mirë e njerëzorë, ka pasur edhe gazetarë të njohur për halabakinë e tyre, naivë, provokatorë dhe spiunë të vërtetë, nuk më ka shkuar kurrë mendja se ata dhe njerëzit nga “qarqet” e tyre do të shkojnë aq larg në marrëzinë e tyre theqafëse, sa të më dërgonin letra të vazhdueshme, të cilave unë natyrisht se u jam përgjigjur me ëndje,- sidomos atëherë kur isha i bindur se në provokim u ndërlidhën edhe kriminelët e shërbimeve sekrete, të cilët donin të më linin një porosi.