Burgu s’është për burrat e PDK-së

Perparimi Mer 22 Oct - 12:09

Burgu s’është për burrat e PDK-së
Bajrush Xhemajli, ish-kryetar i Ferizajit, në kushte normale do të duhej të ishte në burg, për ta vujatur denimin për aksidentin me pasoja fatale që shkaktoi vite më parë në Prishtinë, mirëpo ai po vazhdon t’i shijoj rrezet e diellit të vjeshtës në maje të Bjeshkëve të Sharrit, në Dragash.

Së paku një gjë e tillë shihet në fotot e fundit të postuara nga zyrtari i PDK-së, Nait Hasani, ku ky i fundit shfaqet në foto bashkë me Xhemajlin, gjykatësin e Kushtetueses, Kadri Kryeziu, si dhe bashëpartiakun e tyre, Hajredin Hyseni.

Kryeziu në vazhdimësi ka qëndruar afër zyrtarëve të PDK-së, duke e vënë në pikëpyetje objektivitetin e tij si gjykatës, për çka është përjashtuar nga seancat e Gjykatës Kushtetuese në lidhje me lëndët që dërgohen nga partitë politike.

Thuhet se burgu është për burra, mirëpo kjo si duket nuk po vlen për burrat e PDK-së. Edhe Xhabir Zharku, ish-kryetar i Kaçananikut, ka ikur nga drejtësia kosovare, ku për disa vjet po qëndron si “kaçak” në Suedi. /Zëri/

http://botapress.info/burgu-seshte-per-burrat-e-pdk-se/