ShBA _te vete i kane organizue sulmet e kullat e tyre

SHBA-të vetë i kanë kryer sulmet e 11 shtatorit, pohon një shkencëtar

Qeveria amerikane vetë i ka planifikuar sulmet terroriste të 11 shtatorit, për të nxitur fushatë kundër terrorizmit, ndërsa Osama Bin Laden tashmë është i vdekur

Këtë e pohon docenti i universitetit amerikan “Viskonsin medison” Kevin Baret.

Prapa tërë historisë me sulmet e 11 shtatorit qëndron nënkryetari amerikan Dik Çejni, ndërsa vetë sulmet i kanë kryer CIA, deklaroi Baret në intervistën për gazetën amerikane “Viskonsin Stejt Zhurnal”. Mbi 60 politikanë amerikanë kërkuan që për shkak të këtij hulumtimi Bareti të ndërrohet. Kësaj iu kundërvye drejtoria e Universitetit, duke iu referuar lirisë akademike të mendimit.

Drejtoria konsideron se nuk mund të lejohet që trysnia politike nga kritikët e ideve të jopopullarizuara të jetë pengesë për lirinë e mendimit.

Bareti nuk mund ta dëshmojë teorinë, ndërsa argumentet e potencuara janë në frymën e teorive më të mira për komplote. Si dëshmi kundër verzionit zyrtar për sulmet e 11 shtatorit, Bareti bën të ditur, se dy muaj para sulmeve një agjent i CIA-s ka vizituar Bin Ladenin, se zjarri vetëvetiu nuk do të mund t`i rrënonte ndërtesat e Qendrës Botërore Tregtare, si dhe se “pilotët e vdekjes”, madje as që kanë mund të drejtojnë një aeroplan.

Bareti shprehet se “truri i qelisë” Muhamed Ata ka ngrënë mish derri dhe ka shkuar nëpër striptiz bare dhe për këtë arsye nuk është e mundshme të ketë qenë terrorist islamik. Përveç kësaj Bareti pohon se në vitin 2001, ose në vitin 2002, Bin Ladeni tashmë ka qenë i vdekur, ndërsa video shënimet e tij janë falsifikuar nga CIA.

Bareti mbështet argumentet me titujt akademikë, ai ka doktoratur për gjuhë afrikane, kulturë dhe literaturë arabe. Gjatë qëndrimit në Maroko ai prej qarqeve diplomatike ka marrë informata, se njerëzit të cilët gjoja kanë qenë atentatorë të 11 shtatorit, ende janë gjallë./