PRITEN ARRESTIME QE E DRIDHIN KOSOVËN..

Perparimi Dim 9 Fév - 2:07

PRITEN ARRESTIME QE E DRIDHIN KOSOVËN...

Së shpjeti pritet të ngriten aktakuza për dy tre njerëzit kryesor te PDK'se dhe AAK'se. Panika tashmë ka filluar...

Deri më tash dy a tri herë prej policëve e prokurorëve është marrë në pyetje Sabit Geci, ish komandant i UCK'së në Zonën e Drenicës. Geci është i dënuar për një rast për krime të luftës, për një rast tjetër është në procedurë e sipër, kurse nëse çdo gjë shkon sipas parashikimeve të prokurorëve ndërkombëtare, rasti i një aktakuze për trafikim të organeve do të paraqiste herën e tretë që Geci do të përballej me drejtësinë. "Gjatë intervistimit të tij janë përmendur emra të fuqishëm të skenës politike. Sigurisht se priten arrestime që do ta lëkundin Kosovën dhe skenën politike", ka thënë një burim i gazetës i njoftuar me ketë rast.

Sipas këtij burimi bëhet fjalë për dy tre njerëzit më të fuqishëm të AAK'së dhe të PDK'së.

"Kuptohet, po flasim për njerëzit kryesor të këtyre dy partive". I njëjti burim ka konfirmuar për Express se aktakuza, ndonëse e motivuar nga Dick Marty, në substancë nuk flet për trafikim organesh, por për zhdukje të personave. Gjithashtu, siç edhe është raportuar në mediat kosovare, besohet se procesi gjyqësor do të zhvillohet jashtë shtetit tonë, diku në Bashkimin Europian.

Postuar nga Lajmonline: 21:53; 05/2/2014