Nasa,largon asteroidin nga toka

Perparimi Lun 24 Déc - 9:20

NASA, plan per te kapur nje asteroid qe ta eksploroje
12:51
Ky do të jetë projekti i parë që do të shënonte modifikimin e rrugëtimit të një trupi qiellor nga njerëzit
Burimi: Daily Mail

Shkencëtarët e NASA-s janë duke planifikuar të kapin një asteroid 500 ton, ta zhvendosin atë dhe ta kthejnë në një stacion hapësirë për astronautët në rrugën e tyre në Mars. Zyra e Shkencës dhe Teknologjisë në Shtëpinë e Bardhë do të konsiderojë planin në javët e ardhshme, teksa përgatitet ta përfshijë këtë në axhendën e eksplorimit të hapësirës për dekadën e ardhshme. Nëse aprovohet ky projekt, atëherë do të bëhet fjalë për trupin e parë qiellor rrugëtimi i të cilit ndryshohet nga njerëzit.
Në një raport të përgatitur nga NASA dhe shkencëtarët e "California Institute of Technology" (Caltech) tregohet se si do të realizohet kapja e asteroidit. Një kapsulë kapëse asteroidi do të lidhet me një raketë "Atlas V" të vjetër dhe do të drejtohet për nga asteroidi midis Tokës dhe Hënës. Sapo t'i afrohet, kapsula do të lëshojë një rrjete të veçantë që do të përfundojë e tjerrur rreth shkëmbit. Mjeti hapësinor do të kthehet në bazë, duke përdorur një shtytës të vlerëësuar 300 kg, për të ndaluar asteroidin që të vazhdojë në gjurmët e tij dhe ta tërheqë atë në një vend me gravitet zero. Kjo do të bëhet me qëllimin për të eksploruar risitë natyrale të asteroidit, gjë që është synuar që prej 100 vjetësh, por vetëm tani ekziston teknologjia për ta bërë realitet një ide të tillë...........