Alban Vjosa, Sekretar Politik i FBKSH-së

Intervistë me Av. Alban Vjosa, Sekretar Politik i FBKSH-së dhënë të përjavëshmes "JAVA" të Prishtinës
S’KA ARMIK QË TË NDALI MË "VULLKANIN" FBKSH DHE AKSH...

Pyetje: A do të kemi ofensivë pranverore këtë vit? Këtë pyetje ua parashtroj nga shkaku se edhe pranvera e vitit të kaluar u paralajmërua të jetë e nxehtë, por kjo nuk ndodhi?

Alban Vjosa: "Ofensiva" ka kohë që ka filluar. Syri objektiv e ka parë dhe vazhdon ta shoh atë. "Marrëveshja e Rambujesë" nuk u dha ndonjë gjë të rëndësishme shqiptarëve. Përkundrazi, realiteti i sotëm në Kosovë tregon se "Marrëveshja e Rambujesë" paska qenë vetëm për serbët gjenocidistë të cilët i shkaktuan rajonit të Ballkanit mijëra e mijëra viktima. "Marrëveshja e Rambujesë", me sa duket, u bë që Mitrovica Veriore t'i shkëpytej trungut të Kosovës historike, që Beogradi t'i "falte" Shkupit 2500 hektar tokë shqiptare, për të ricoptuar për të gjashtën herë trojet etnike shqiptare, që të riktheheshin në Kosovë kriminelët e luftës të Serbisë gjoja të ikur "si refugjatë", që të krijoheshin enklavat serbe si kancer në të gjithë trupin e Kosovës, të cilat realisht do të jenë të gjitha "mini shtete serbe" në Kosovë. Pra "Marrëveshja e Rambujesë" favorizoi xhelatin gjenocidist dhe ridënoi viktimat, ne shqiptarët banues në trojet tona, por të kolonizuar dhe gjenociduar nga pushtetet serbosllave.

Marrëveshja ndërkombëtare, pas ndërprerjes së luftës së ish-UÇPMB-së, u bë për t'i shkëputur "de fakto" dhe "de jure" Kosovës historike Preshevën, Bujanocin dhe Medvegjën dhe për t'ia shitur përfundimisht këto treva shqiptare Serbisë.

"Marrëveshja e Ohrit", e dalë pas ndaljes së luftës nga ish-UÇK-ja në Maqedoni, ishte hi syve ndaj shqiptarëve për të zëvendësuar "bashkim vëllazërimin" me të ashtuquajturën "bashkëjetesë multietnike", çka do të thotë që shqiptarët autoktonë, edhe në shekullin e 21 e më pas, duhet të qëndrojnë nën kolonizimin sllavomaqedon që u imponoi Evropa e Vjetër në shekullin e 18-të dhe të 19-të.


http://images.google.fr/imgres?imgurl=http://www.ereniku.net/UliksGjonaj%2520me%2520Walker_Texas_Ranger.jpg&imgrefurl=http://www.ereniku.net/intervista.html&usg=__B_wDXg44J2nReGd8-XyOJB5BHBE=&h=1353&w=963&sz=154&hl=fr&start=16&um=1&itbs=1&tbnid=uUELeH-8olhu3M:&tbnh=150&tbnw=107&prev=/images%3Fq%3Davdi%2Bibrahimi%2Bme%2Bhaxhiun%26um%3D1%26hl%3Dfr%26sa%3DN%26tbs%3Disch:1