Takimi me Milosheviçin, ishte inskenuar që ai të trajtohej t

Kush ishin njerëzit e Milosheviçit në Shqipëri?
Enver Bytyçi
Të pathënat në librin me shënime e kujtime të Paskal Milos (4)

Paskal Milo përpiqet që t'i thotë publikut shqiptar, tash pas dhjetë vjetësh, kur vetë protagonisti i ngjarjeve Rugova nuk jeton më, se lideri historik i Kosovës ka qenë "njeri i Milosheviçit". Ai përsërit sot atë akuzë që e kishte formuluar atëherë dhe ia kishte dhënë Skënder Gjinushit ta shprehë në publik. Lexuesi do të më falë se mund ta lodh me një citim disi të gjatë nga libri i Milos. "Ajo që kërkoja të sqaroja më tepër, por edhe më habiti më shumë, ishte çështja e bisedimeve të tij me Milosheviçin, Milutinoviçin dhe nënshkrimi i komunikatës së përbashkët.

Nuk bëri asnjë përpjekje për të krijuar përshtypjen se kishte qenë peng dhe se kishte qenë i detyruar që t'i bënte këto takime dhe të mbante këto qëndrime. Më deklaroi se kishte qenë i ndërgjegjshëm se këto takime duheshin bërë, se ai e kishte takuar edhe më parë Milosheviçin (maj 1998), se duhej krijuar besimi dhe se ishte në interes të të dy palëve të bisedonin.

Milo ishte një nga "pengmarrësit politikë" të Presidentit të Kosovës

Më habiti kur më tha se Milosheviçi, Milutinoviçi, Shahinoviç etj. ishin treguar realistë, se e kishin kuptuar situatën dhe nevojën e arritjes së një marrëveshjeje se edhe këta njerëz janë, njerëz që mendojnë e kërkojnë një zgjidhje, çka do të thotë se pikërisht me këta jo vetëm duhet të bisedohet, por edhe të bashkëjetohet. Madje edhe për largimin e tij nga Prishtina më tha:

"U thashë serbëve që të më lëshojnë se nuk kam se çfarë të bëjë në Prishtinë, se po të jem jashtë do të jem më i dobishëm dhe do të punoj edhe për juve që të arrihet një marrëveshje", shkruan Paskal Milo. 10)

Unë nuk e ve në dyshim faktin që Rugova nuk ka dashur t'i rrëfehet Milos për atë ngjarje, sepse vetë ministri i Jashtëm i shtetit shqiptar ishte një nga "pengmarrësit politikë" të Presidentit të Kosovës. Entuziazmi i Tiranës zyrtare për ta dënuar dhe ndëshkuar Rugovën si dhe për ta nxit krahun radikal të UÇK-së kundër tij ishte një fakt i njohur për liderin historik të Kosovës. Në këto kushte Rugova e ka konsideruar takimin thjesht si një moment kortezie, për të dhënë mesazhe "bashkëpunimi". Njerëzit rrëfehen, por para atij që kanë besim. Paskal Milo nuk ishte njeriu i duhur dhe i besueshëm, para të cilit duhej të "rrëfehej" Rugova. Dhe kjo, mungesa e gatishmërisë së Rugovës për "t'u rrëfyer", nuk përbën provë se ai ishte "njeriu i Milosheviçit". Nga ana tjetër Rugova e ka njohur faktin se njerëzit e Milosheviçit ishin pikërisht një numër jo i vogël qeveritarësh të Tiranës. Ndaj dhe nga kjo logjikë vjen përfundimi se ai duhet të jetë ndjerë i fyer kur pengmarrësit e pyesnin nëse kishte qenë ose jo peng. Se kjo pamje ka qenë e tillë, dëshmohet njëkohësisht në një ditar të prof. dr. Zekeria Canës. Profesori i nderuar shkruan në ditarin e tij të datës 5 tetor 1998 se "Më 11 gusht kur policia dhe ushtria serbe e shkelën Irzniqin, Prilepin, Gllogjanin, Baballoqin, Shaptejin dhe fshatrat e tjera, në kanalin e sistemit të ujitjes të Radoniqit mund të lexohej parulla e shkruar me germa të zeza: "Fatos je nash" (Fatosi është yni). 11) Ndërsa vetë Milo është person i dëshmuar me lidhje të shumta deri ato të spiunazhit me miken e Serbisë, Greqinë.

E vërteta për Rugovën zbulohet në Perëndim e fshihet në Tiranë

Kam arritur në këtë përfundim, sepse Rugova nuk ka nguruar të flasë për këto çështje në raste të tjera, kur ai ka vizituar kancelaritë evropiane. Ndërkaq vetë qeveritë dhe shtypi perëndimor ishin shprehur qartë dhe pa asnjë lloj dyshimi se "Rugova kishte qenë peng në duart e kriminelit Slobodan Milosheviç".

Qysh në ditët e para kur Rugova ishte izoluar në Prishtinë, në Perëndim ishte dhënë ky njoftim, saktë dhe pa asnjë lloj mëdyshjeje: Shtypi perëndimor shkruante për takimin e Rugovës me Nikola Shahinoviçin, për shkuarjen në Prishtinë të ambasadorit rus, Juri Katov dhe takimin e tij me Presidentin e Kosovës. Ndërkohë një reporter njoftonte se e kishte pyetur Rugovën për lirinë e tij të lëvizjes dhe kishte marrë përgjigjen: "Unë jam këtu. Këtu janë dhe forcat policore serbe të sigurisë". Ndërsa kur Rugova ishte shfaqur në ekranin e televizionit të Beogradit, një diplomat në Bruksel kishte deklaruar se ato pamje i takonin takimit të Rugovës me Milosheviçin para dy vitesh. Të njëjtën gjë kishte deklaruar gjithashtu këshilltari i Presidentit Bill Clinton, Greg Schulter. 12) Gazeta gjermane "Frankfurter Rundschau", e martë, 6 prill 1999. I njëjti burim informativ bënte me dije ato ditë se ministrat e jashtëm të Gjermanisë, Francës, Britanisë së Madhe dhe Italisë i kishin kërkuar menjëherë presidentit serb që të dr. Ibrahim Rugovën dhe familjen e tij t'i lirojë nga pengmarrja dhe kishin kërkuar që Presidenti i Kosovës të shkonte për takim me ta jashtë Jugosllavisë" 13) Një kërkesë të tillë do të duhej ta kishte bërë që ditën e parë Qeveria, Presidenti dhe institucionet e tjera të Shqipërisë, por fatkeqësisht, në vend të kësaj ata kishin duartrokitur skenarët e Milosheviçit, me qëllim që ta fundosnin dhe eliminonin politikisht liderin e pakontestuar shqiptar. E njëjta gazetë ka informuar më 10 prill 1999 se "Ibrahim Rugova ishte mbajtur në arrest shtëpie nga forcat policore serbe në Prishtinë" dhe se takimi me Milosheviçin, ishte inskenuar që ai të trajtohej nga UÇK-ja si tradhtar. Në fakt më shumë se krahu enverist i UÇK-së, përfaqësuar prej Jakup Krasniqit, atë e trajtuan si të tillë institucionet e shtetit shqiptar. Kurse televizioni kryesor gjerman ZDF kishte provuar ato teknikisht montimin televiziv të takimit të Rugovës dhe të Milosheviçit si dhe montazhin e deklaratave të shpallura.

Kur Rugova ishte liruar nga pengmarrja fizike serbe si dhe "pengmarrja" politike shqiptare, qarqet perëndimore u sqaruan për pozicionin e tij të vështirë si dhe për kërcënimet që kishte pasur nga ana e diktaturës nacionalshoviniste e Beogradit. Gazeta tjetër gjermane HNA shkruante atë kohë se ".. Sipas vlerësimeve të shumë prej vëzhguesve perëndimorë Rugova ishte që nga fillimi i luftës në Kosovë më 24 Mars peng i Presidentit jugosllav Slobodan Millosheviç". 14) Në fillim të qershorit 1999 presidenti i Kosovës, Ibrahim Rugova, kishte vizituar Madridin dhe gjatë asaj vizite kishte deklaruar se që nga java e parë e fillimit të bombardimeve të NATO-s kundër Serbisë ai kishte qenë peng i Presidentit të Jugosllavisë, Slobodan Milosheviç. Ndërkohë kishte shtuar se me mbështetjen ndërkombëtare kishte mundur të lirohej nga kjo pengmarrje. 15) Gazeta gjermane "Frankfurter Rundschau", datë 8 qershor 1999. Ndërkaq nënpresidentja e Bundestagut gjerman do të shprehej me rastin e dhënies së çmimit për tolerancë të qytetit të Münster se Agani dhe Rugova qëndruan në Prishtinë, kur shumë prej të vetëquajturve udhëheqës të Kosovës shiheshin në skenat e shout në Perëndim 16). / Vijon

Jakupi per here te pare ne paraqitje




Haollbruk me Milloshin


Hoolbruk me UçK
[img][/img]

Forcat sebe
[img]
[/img]
Shperngulja e shqiptareve nga kosova


Takimet shqiptaro serbe ne Prishtine


Milloshi me Boris Jelcinin


Rugova Hollbruk
http://news.bbc.co.uk/olmedia/115000/images

Milazim Krasniqi obertar i Rugoves
http://pashtriku.beepworld.de/files/Rugova_2008/Foto/10/milazimi_me_rugoven.jpg

Demaqi me Thaqin


Fahmi Agani i perkulet Milloshit
http://medias.lemonde.fr/mmpub/edt/ill/2007/02/12/h_4_ill_866593_app2002050394725.jpg

Video
A eshte Behxhet Pacolli njeri i Milloshit video
https://www.youtube.com/watch?v=9z2GHtF7wLo&feature=related